තුවක්කුවෙන් පුකේ ඇරීම | Rifle Butt in Yo Butt

කොළඹ නුවර පාරට ආසන්නව රතුපස්වල කියා දේශද්‍රෝහී ගමක් තිබේ. ඒ ගමේ වෙසෙන දේශද්‍රෝහියෝ එසේ දේශද්‍රෝහී වී ඇත්තේ මේ මෑතකදීය. ඊයේ පෙරේදා වනතුරු ඒ මිනිස්සු ද ආසියාවේ ආශ්චර්යයේ ආඩම්බරකාර පුරවැසියෝ ව සිටියහ. රතුපස්වල පිහිටි "වින්ග්‍රෝ" නම් කම්හලකින් මුදාහැරෙන අපජලය නිසා ප්‍රදේශවාසී මිනිස්සුන්ට බොන්නට වතුර නැති වීම මෙසේ දේශද්‍රෝහී වන්නට හේතුව යයි කියති.

(පසුබිමින් සජීව ආවරණය බලන්න. වැඩි විස්තර මෙතැනින්.)

අපේ රටේ මිනිස්සුලාට මොන දේ කළත් ගුණයක් නැතැයි කියන්නේ ඕකට ය. බොන වතුර ටික නැහැමයි කියමු. වතුර නැත්තං මැරෙනවාද? උගන්ඩාවේ පානීය ජල පුරස්නය විසඳීම පිණිස, ඇමරිකාවෙන් ණයට ගත් සල්ලි ඩොලර් මිලියන 160 ක් අපේ අම්මගෙ අප්පගෙ බූදලේ වගේ අත දිගෑරලා වියදං කොරාපු අපෙ ආඩම්බරකාර තාත්තා ගැන හිතනකොට, හරිහමං දේශප්‍රේමී ජනතාවක් නම් නිකංම බඩ පිරෙන්නට ඕනේ නේද? අනික මේ රටේ බොන්න වතුර ටික ද ලොකුම ප්‍රශ්නේ? නැගෙනහිර, හලාල්, කූරගල, හලාල්, තම්බි, රාමසාන්, ජිහාඩ්, හලාල්, අන්‍යාගමික කුමන්ත්‍රණ, හලාල්, හලාල්, හලාල් යකෝ හලාල්, ඩෝසර් කරපු පූජාබූමි, දඹුල්ල, උලාමාවරු, වහබි, ජිහාඩ්, හලාල්, මහියංගණේ පල්ලිය, සලාෆි, සුල්ෆික්, හලාල්, තවුෆීක්, නාශිඩ්, හලාල්, මූදු මහ විහාරය, හලාල්, නැගෙනහිර, කූරගල, උලාමා, වහාබි වැනි ප්‍රශ්න කීයක් මේ රටේ මේ මොහොතේ දැවෙන ප්‍රශ්න ද?

අනික මේ වින්ග්‍රෝ සමාගමේ බහුතර කොටස් හිමි වන්නේ හේලීස් සමාගමට වන අතර එහි අධිපති ධුරය දරන්නේ ද මේ රටේ අංක එකේ කැසිනෝ ව්‍යාපාරිකයකු දේශප්‍රේමියකු වන ධම්මික පෙරේරා ය.

කෙසේ වෙතත් මේ දේශද්‍රෝහී පරබල්ලන් පන්දහසක් වැනි සුළු පිරිසක් අද දින බැලුම්මහර අසලදී කොළඹ නුවර මාර්ගය පැයක පමණ කාලයක් අවහිර කරගෙන උද්ඝෝෂණය කර තිබේ. වහ වහා එතැනට පැමිණි අපේ වීරෝදාර STF බලකාය විසින් සිය අවම බලය පාවිච්චි කරමින් කඳුළු ගෑස්, ජලප්‍රහාර සහ බැටන් පොලු ප්‍රහාර එල්ලකර තිබේ. මෙවැනි පාහර බල්ලන් හට පහරදී එළවා දැමීමට මෙවැනි අවම බලයක් පාවිච්චි කිරීම ගැන රටේ ජනතාව පුදුම වන අතර, මේ අහස පොළොව නූහුලන අපරාදය බලා ඉන්නට බැරි තැන, රබර් උණ්ඩ රැගත් කළහ මර්දන තුවක්කුවක් නාථ දෙවියන්ගේ ආනුභාවයෙන් ඉබේම පත්තු වී, ඉන් එක් දේශද්‍රෝහියෙක්  දේශද්‍රෝහියෝ දෙන්නෙක් දේශද්‍රෝහියෝ සිවුදෙනෙක් මියගොස් තවත් සියයකට අධික පිරිසක් තුවාල ලබා තිබේ.

මුලින්ම වාර්තා වූ මරණය මේ උද්ඝෝෂණයට කිසිම සම්බන්ධයක් නැති 16 හැවිරිදි පාසැල් ශිෂ්‍යයෙකු වන අතර  ප්‍රදේශයේ කලක පටන් පැවති ආරවුලක් නිසා සිදු වූ සිද්ධියක් වන අතර, එය මේ සිද්ධියට සම්බන්ධ කරමින් හමුදා ප්‍රහාර වලින් පාසැල් ශිෂ්‍යයකු ගේ මරණයක් සිදු වූ බවට කැරලිකරුවෝ අසත්‍ය ප්‍රචාර ද පතුරුවමින් සිටිති.

මේ අවස්ථාවේ දී මේ උද්ඝෝෂණය මැඩලීම සියලු ජාත්‍යන්තර නීති රීති වලට අනුවම සිදුව ඇති අතර, රජය අපහසුතාවට පත්කිරීමේ අරමුණින්, කැරලිකරුවන් තියුණු මුවහත් පිහිවලින් ඔවුන්වම කපාගෙන, ඔවුන්ගේ තුවාලකරුවන් ඔවුන්ම පයින් පාගාගෙන, තුවාලකරුවන් බාරගන්නට සියලු රෝහල් සූදානම්ව සිටියදී ඒවාට ඇතුලත් නොකර, අන්තිමේදී එදා රාත්‍රියේ යුද හමුදාව සේ බොරුවට පෙනී සිටිමින් කැරලිකාර පවුල් වල ගෙවල් වලට පැන උද්ඝෝෂකයන් හට බිම පෙරළාගෙන පහර දී ඇති බවද "ලක්බිම" වාර්තාව අනුව අපට පැහැදිලිය. 

මඳ විරාමයක්.. මේ ගීතය ඔබ වෙත ගෙන එන්නේ රණවිරු රියල් ස්ටාර් අනුග්‍රහයෙන්..

බෝධි පූජා තිබ්බ උන්ටත් කෙළින හැටි දැක රණ මතින්....
( පැප්ප පෝං ... පැපැප්ප පෝං... )
මානුසික මෙහෙයුමේ වගතුග හිතා ගනු ඇත පිට රටුන්....
( පැප්ප පෝං ... පැපැප්ප පෝං... )
මව් බිමේ දිය පොද පතා මහ මගට බට පුර වැසි පුතුන්...
( පැප්ප පෝං ... පැපැප්ප පෝං... )
උන්ගේ ලේ සහ උතුරෙ ලේ එක ලෙස පෙරේ මහ උන් නමින්...
( පැප්ප පෝං ... පැපැප්ප පෝං... ) 

පදරචනාව දමිත් කේතක ගෙන්. 

මේ අතර මේ සිද්ධිය ගැන නයි.ටී.එන්. හෙවත් උගේ පවුලේ නාලිකාට අදහස් දක්වමින් දවටගහ පල්ලියේ බැතිමතෙක්:

බොන්න වතුර ඉල්ලං පාරට බයින්න මුන්ට පිශ්ශුනෙ අයිෂෙ. එක්කො ඉල්ලපිය වරායක්. එයාපෝට් එකක්.. ෂල් මල් කුළුනක්.. නයිට් රේෂ් එකක්.. දැයට කිරුළක්.. ශැටලයිට් එකක්.. ඇමරිකං පුබ්බෝල්... මුනාද මේ මුන් ඉල්ලුවෙ? තූ නොදකිං වෙඩි තියපු එකමයි හොද.. ඈශ්චර්යටත් කැළලක් මුං!!

නිර්මාණය Seze Caprio 

මේ අතර මේ සිද්ධිය සම්බන්ධව අදහස් දක්වන ප්‍රවීණ ගූ-තිෂවේදී ගොන්සිරි බණ්ඩා වෙනුවෙන් උගේ--සමාවෙන්න ඒ මහතාගේ නියෝජිත සුරේෂ් කොල්ලා මෙසේ අදහස් දැක්වීය.

• 2010 (ජුලි) මාතරදී සුසන්ත අරුණ බණ්ඩාර ....
• 2011 (ජුනි) කටුනායකදී රොෂාන් චානක ....
• 2012 ( පෙබරවාරි ) හලාවතදී ඇන්ටනි ෆර්නෑන්ඩෝ ....
• 2013 (අගෝස්තු) වැලිවේරියේදී .................................

ට්‍රීන් ට්‍රීන් .... ඊළඟ එන්න ......
(පොර කන්න එපා යකෝ)

සබැඳි වෙනත් ලිපි

1. ටැබූ - සොල්දාදුවෝ දැන් බැහැපිය කරෙන් බිමට! 
2. මාතලන් - රතුපස්වලට අමා වතුර 
3. කතන්දර - "කාලකණ්ණි සතුට සහ මාටින් නීමොලර්"
4. Loopholes - මහා බෝධි පුජා පිංකම 
5. Aru - "හමුදා ටින්කිරි"
6. අපේ ඉසව්ව - "වැලිවේරිය, රූකාන්ත,චන්ද්‍රලේඛා සහ තවත් කතා"
7. කසාපබ්බත - එක ප්‍රශ්නයකට එක බිල්ලක් 
8. සංවේදී - වෙඩි කෑ උන් වෙනුවෙන් ධනපතියාගේ සටහන
9. රැඩිකල් අදහස් - නිකරුණේ මිනීමරන කුලී හමුදාව
10. අමාවක - රතුපස්වල දේශප්‍රේමය
11. මානවක - දුෂ්ටයා හමුදාව විතරද?
12. නාඩියා - "දයාබර වැම්පියර්තුමනි"
13. අන්සතු දිනපොත - "අවියෙන් දුන් වතුර"
14. ඉවාන් පවුලූශා - "පෙරළුණු නැවුම් (රතු) පස.."
15. තුරු සෙවන ලියන මැණික් - "වතුර !! කඳුලු !! වතුර !!"
16. Sabith - උතුර දකුණ රතුපස්වල සහ අපි!
17. නිදහස් සිතුවිලි - "පුදුකුඩිඉරුප්පු සහ වැලිවේරිය..2009 සහ 2013."
18. බිගුසර - "ආදරණිය රණවිරුවනේ මේ ඔබේ අවධානය පිණිසයි.."

අදත් පිටපත උගෙන්ම තමා.