හලාල් ගැන කිතුණු මතය (Answer to A.Manathunga)

පූර්විකාව හෙවත් අන්වර්ගේ පච වට්ටෝරුව

අපේ සිංහල බ්ලොග් අවකාශයේ සකීර් නායික්ගේ සිංහල අවතාරය ලෙස පෙනී සිටින අන්වර් මණතුංග හෙවත් අ.මනතුංග ගේ අලුත්ම ජෝක් එක වන්නේ හලාල් සහතිකකරණය ඉතාම විද්‍යානුකූල පදනමකින් යුක්ත බව සනාථ කිරීමට උත්සාහ දැරීමයි. හලාල් ආහාර ලොව කිසිම ආගමිකයකු හට අවලංගු නොවන බවත්, මේ වන විට ලොව බටහිර රටවල් බහුතරයක හලාල් ආහාර වලට ඇති ඉල්ලුම ශීඝ්‍රයෙන් ඉහළ යමින් පවතින බවත් අ.මණතුංගයාණෝ ඉතාම වහසියෙන් යුතුව දොඩවනු අපට දකින්නට ලැබිණි. හලාල් ආහාර ගැන අප දන්නේ මොනවාද යන්න ගැන ප්‍රශ්න කිරීමට පවා ඔහු සූදානම්ව සිටී. අප ඔහුට වඩා නම් හලාල් ගැන දන්න බව අපට නම් සහතිකය. 

හලාල් වන්නේ කුමක්ද, නොවන්නේ කුමක්ද යන්න ගැන අප ඉහත දීර්ඝ වශයෙන් සාකච්ඡා කොට තිබේ. එම ලිපිය ලියන කාලය වන විට අ.මණතුංග ගේ පච වට්ටෝරුව මේ තරම් දුරදිග ගොස් තිබුණේ නැත. අද අපි සැරසෙන්නේ එම මාතෘකාව යටතේම, ඊට වඩා වෙනස් කරුණක් ගැන සාකච්ඡා කිරීමටයි. ඊට පෙර කතාවට පූර්වාරම්භයක් ලෙස, වත්මන් ශ්‍රී ලංකාවේ ජාති සහ ආගම් ව්‍යාප්තිය ගැන මඳක් සිහි කැඳවිය යුතුය. 

1901 - සිංහල - 65.4 ලංකා දෙමළ - 26.7 ඉන්දීය දෙමළ - - මුස්ලිම් - 6.4 වෙනත් - 1.5
1971 - සිංහල - 72.0 ලංකා දෙමළ - 11.2 ඉන්දීය දෙමළ - 9.3 මුස්ලිම් - 6.7 වෙනත් - 0.8
1981 - සිංහල - 74.0 ලංකා දෙමළ - 12.7 ඉන්දීය දෙමළ - 5.5 මුස්ලිම් - 7.0 වෙනත් - 0.8
2012 - සිංහල - 74.9 ලංකා දෙමළ - 11.2 ඉන්දීය දෙමළ - 4.2 මුස්ලිම් - 9.2 වෙනත් - 0.5

උපුටා ගැනීම - 2012 දෙසැම්බර් 30 රාවය

සිංහලයන්ගෙන් 70%ක් පමණම බෞද්ධ බැවින් ඉතිරි 30% ආසන්නව කිතුණුවන් වේ යයි උපකල්පනය කළ කල්හි, එය 74.9 x 0.30 = 22.5 % වේ. එනම් අපේ රටෙන් 22.5% පමණ (ආසන්නව) කිතුනුවෝ (කතෝලික සහ ක්‍රිස්තියානි) වෙති. එසේනම් අපේ රටේ ආහාර පාන වලට දෙන සහතික ගැන කතා කිරීමට, මුසල්මානුවන්ට වඩා අයිතියක් කිතුණුවන්ට තිබේ. 

බෞද්ධ රටේ හලාල් මරණය

මස් මාළු කෑම නිසා පළමු සිකපදය බිඳෙන්නේ යැයි සිතන සමහර බෞද්ධයෝද වෙති. අප දන්නා තරමට නම් එහෙම වන්නේ නැත. "නිර්මාංශ මිථ්‍යාව" නමින් අපේ පැරණි බ්ලොග් අඩවි ලිපිනය යටතේ ඒ ගැන ලිපියක් පළකොට තිබිණි. යළි ඒ ලිපිය සොයාගෙන පළකළත් පාඩු නැතැයි ද සිතේ. සිකපදය බිඳුනත් නැතත්, මේ තරම් තිරිසන් විදියට සතුන් මැරීම කිසිම සංවේදී මිනිසකු අනුමත කරනවා වන්නට බැරිය. 

සරලවම කියන්නේ නම්, හලාල් ක්‍රමයට සතෙකු මරණ විට උගේ රුධිරය එහෙම පිටින්ම ගලා ඉවත්ව යා යුතුය. මෙය කවදාවත් ප්‍රයෝගිකව කරන්නට බැරි බව ජීව විද්‍යාව ගැන සරල දැනුමක් හෝ තිබෙන ඕනෑම පුංචි පහේ දරුවකුට වැටහේ. කෙසේ වෙතත් මෙසේ රුධිරය ගලා යන්නට නම්, සතාගේ හෘදය වස්තුව ක්‍රියා කළ යුතුය. ඒ කියන්නේ සතා මියයන්නේ අධික රුධිර වහනයෙනි. මෙසේ රුධිරය ගලා මියයාම කෙතරම් වේදනාකාරීද යන්න පහත වීඩියෝවෙන් නරඹන්න. මේ ඔබ දකින්නේ හලාල් ක්‍රමයට අනුව සතෙකු මරණ ආකාරයයි.

සංවේදී අය මෙය නැරඹීමෙන් වළකින්න! 

This video filmed by GAIA exposes the suffering caused by the Halal method of animal slaughter. As you can see the animals are not stunned before they are killed. Many animals endure several minutes of sheer panic and agony before they die. This slaughter is happening around the world including Europe. It is also happening in the U.K. 

මෙලෙස සතාගේ අවසාන මොහොත වනතුරු හෘදය වස්තුව ක්‍රියාකාරීව පවත්වා ගත යුතු නිසා, සාමාන්‍යයෙන් සතුන් මරන්නට පෙර විදුලි සැරයක් මගින් මොළය අකර්මණ්‍ය කිරීම මෙහිදී කළ නොහැක. මෙලෙස මොළය අකර්මණ්‍ය කළ විට සතා මැරෙන්නේ වේදනාවෙන් තොරවය. එහෙත් හලාල් ක්‍රමයට මරණ විට මෙසේ කළ නොහැක. මන්දයත් එවිට අර කී විදුලි සැරය නිසාම සතා මරණයට පත් විය හැකි වීමයි. සාමාන්‍යයෙන් යුරෝපීය රටවල සත්ත්ව හිංසා වැළක්වීම වෙනුවෙන් පෙනී සිටින සංවිධාන හලාල් වලට අතිශයින්ම විරුද්ධ ඒ නිසාය. අ.මණතුංගයාණෝ නොදන්නවාට හලාල් ක්‍රමයට සතුන් මැරීමට යුරෝපය පුරා ඉතා දැඩි විරෝධයක් පවතී. නමුත් එසේ ඇත්ත කියන කිසිම කොමෙන්ටුවක් ඔහුගේ අඩවියේ දමන්නට ඔහු ඉඩ දෙන්නෙ නැත. 

කිතුණු මතය: 

ජනගහණයෙන් 9.2% වන මුස්ලිම් වරුන් හට පමණක් වැදගත් වන හලාල් ගැන, ජනගහණයෙන් 22% පමණ වන කිතුණුවන් ගේ ඉගැන්වීම කුමක්දැයි අපි ඊළඟට බලමු.

ශුද්ධ වූ කුරාණය, සුරත් අල්-මෛදා[6:121] ...ගල් වලින් තැනු අල්තාර මත බිල්ලට දුන් දෑ ද, ... අල්ලාහ් දෙවිඳුන්ගේ නමට හැර අන් කිසි නමකට කැප කරන ලද දෑ ද, ... ඒකාන්තයෙන් නුඹට තහනම් ම වන්නේය.

ශුද්ධ වූ බයිබලය, 1 කොරින්ති 10:18-22 ජුදෙව් ආගමික සිරිත ගැන සිතා බලන්න. පිදේනි වළඳන අය, ඒවායින් පුදනු ලබන දෙවියන් වහන්සේ සමග සහභාගී නොවෙත් ද? [19] මා එයින් අදහස් කරන්නේ කුමක් ද? දේවත පිදේනිවල හෝ දේවතාවන්ගේ හෝ යම් වටිනාකමක් ඇතැයි කියා ද? [20] නැත. මා එයින් අදහස් කරන්නේ මිසටිටුවන් පුදන පිදේනි ඔවුන් පූජා කරන්නේ දෙවියන් වහන්සේට නොව දුෂ්ටාත්මයන්ට බවයි. දුෂ්ටාත්මයන් සමග ඔබ සහභාගී වෙනවාට මම කැමති නොවෙමි. [21] ඔබට සමිඳාණන් වහන්සේගේ කුසලානෙන් ද දුෂ්ටාත්මයන්ගේ කුසලානෙන් ද පානය කළ නොහැක. සමිඳාණන් වහන්සේගේ මේසයට ද දුෂ්ටාත්මයන්ගේ මේසයට ද සහභාගී විය නොහැක. [22] අපි සමිඳාණන් වහන්සේ කෝප කරමු ද? අපි උන් වහන්සේට වඩා බලවත් වෙමු ද? 

ශුද්ධ වූ කුරාණය, සුරත් අල්-අනාම්[6:121] යම් දෙයක් මත අල්ලාහ් දෙවිඳුගේ නම උච්චාරණය නොකරන ලද්දේ ද, එය ආහාරයට ගැනීමෙන් වළකින්න; මන්ද, බලනු, එය පිළිකුල් කටයුතු බැවිනි. යක්ෂයෝ මිනිසුන් අතර සිටින සිය පාක්ෂිකයන් ඔබ හා විරුද්ධ වීමට පොළඹවනු ඇත. එහෙත් ඔබ ඊට අවනත වුවහොත් ඒකාන්තයෙන්ම නුඹලා ආදේවවාදීන් වන්නාහු ය. 

ශුද්ධ වූ බයිබලය, නික්මයාම 20:2 "මා හැර අන් කිසිම දෙවි කෙනෙකු නුඹට නොසිටිය යුතු ය." (මේ වනාහි දස පණතෙහි පළමුවැන්නයි)

ශුද්ධ වූ කුරාණය, සුරත් අල්-බඛාරාහ් [2:173] මළ සතුන්, රුධිරය, සූකර මාංශයෙන් කළ සියලු දෑ සහ අල්ලාහ් දෙවිඳුන්ගේ නමට හැර අන් නමකට කැප කළ දෑ නුඹට තහනම් වන්නේය. එහෙත් විකල්පයක් නැතිකමින්, බල කිරීමෙන් හෝ වින්දනය නොපිණිස එය කරන්නා හට පාපයක් සිදු නොවේ. සහතිකයෙන්ම, අල්ලාහ් දෙවිඳු කාරුණිකය, සමාව දෙන සේක් ය. 

ශුද්ධ වූ බයිබලය, ශුද්ධවර මතෙව් 15:11-20: "මිනිසා කෙළෙසනු ලැබීමට හේතු වන්නේ කටට ඇතුළු වන දේ නොව, කටින් නික්මෙන දේ ය"යි වදාළ සේක. ...[16] උන් වහන්සේ කතා කොට මෙසේ කී සේක. "ඔබට තවමත් තේරෙන්නේ නැද්ද?" [17] කටට ඇතුළු වන සියල්ල උදරයට බැස, වැසිකිළියට යන බව ඔබට වැටහෙන්නේ නැද්ද?.." [...] කී සේක.

කෙටියෙන්ම කියන්නේ නම්, දෙවියන් වහන්සේගේ මෙසයටත්, අල්ලාහ්ගේ මේසයටත් එකට වාඩි වීම කළ නොහැක්කකි. සෑම කිතුණුවෙක්ම මෙසේ නොසිතනවා වන්නට ඇත. එහෙත් මෙකී කාරනා නිසා බොහෝ කිතුණු ආගමික සංවිධානද, හලාල් කළ ආහාර තමන්ට අනුභව කිරීමට නුසුදුසු බවට තීරණය කරති. 

මෙන්න ඒ ගැන මුසල්මානුවන් නොවන අය හට වැදගත් විය හැකි තවත් ලිපි කීපයක්:

1. හලාල් ගැන කිතුණු මතය කුමක්ද? 

2. හලාල් ගැන කතෝලික ස්ථාවරය කුමක්ද?

3. හලාල් ක්‍රමයට මරණ ලද සතුන් සීක් ජාතිකයන්ට තහනම් වන්නේ ඇයි? 

අන්වරයාණෙනි, හැකිනම්, දැන්වත් මේ අභියෝගයට පිළිතුරු දෙන්න. හලාල් ආහාර කිතුණුවන් හට කිසිම ගැටළුවක් නැතැයි ඔබ තවමත් කියන්නේද? 

තහනම් වචන සැමදා සංවාදයට විවෘතයි!