logo banner

Saturday, November 16, 2013

කන්‍යාවන් අවශ්‍ය කර තිබේ (18+) | Virgins wanted (18+)

අද සමාජයේ පවතින විවාදාපන්න ම සහ පිළිකුල් දනවන සුළුම මාතෘකාවන්ගෙන් එකක් ගැන කතාකරන්නට ය, මේ සැරසෙන්නේ. ලිපියට ආරම්භයක් ලෙස අපි අපේ සහෘද බ්ලොග් රචිකා "සිත්තරී" ලියු "සංස්කාර විනිවිද" බ්ලොගයෙන් "ලේ" නම් වූ ලිපිය උපුටා දක්වමු.
ඉස්කෝලෙන් පස්සෙ ආපු අළුත් ජීවිතේ, විවාහයත් එක්ක තවත් විභාග ගණනාවක් මගේ ඉස්සරහ දිගහැරුණා. අම්මගෙ අතින් එදා සුදු රෙද්ද මගේ ඇඳුම් බෑග් එකේ උඩින්ම ඇතිරුණේ අළුත උපන් බබෙක් වගේ පරිස්සමට. ලැජ්ජාවද, බයද, කුතුහලයද, සැකයද, අස්ථාවරත්වයද කියන්න දන්නෙ නැති මොකද්දෝ හැඟීමක් එක්ක මම ඒ වෙලේ අම්ම දිහා බලල හිනා වෙන ගමන් බිම බලා ගත්තා. මංගල රැය ගැන මනාළියකගෙ හිතේ ඇතිවන තිගැස්ම අනිත් කාටත් වගේ මටත් ඒ වෙලේ ඇති වෙලා තිබුණා.  
එදා පෝරුවට නගින්න කලින් දවසෙ මුළු රෑම ඇහැරගෙන එකින් එක පොර කකා ආපු සිතිවිලි අතර ඒ වගේ සිතිවිල්ලකුත් අහම්බෙන් හරි මතු වෙන්න ඇති කියල මට හිතුණා. ඇස් වලට උනපු කඳුළු ආයෙමත් ඇස් යටටම ගිලාබස්සවන්න මම උඩ බලාගෙන ඇහිපිල්ලන් ගැහුවේ මීදුමත් එක්ක හිතේ ආයෙමත් පුරෝගත්තු මහා බර එක මොහොතකට හරි පැත්තකින් තියන්න ඕන නිසා. කඳුළු කියන දේ ඉස්සරහටත් මට ඕනකරන වටිනා දෙයක් බව තේරුම් අරන් හිටිය නිසා කඳුළු පරිස්සම් කරගන්න අවශ්‍ය වුණත් මම ඒ මොහොතෙදිත් ආයෙමත් මටම වුණ පොරොන්දුව මතක්කරගත්තා.  
'ඇඳ හදනවා' 
ඕනෑවට එපාවට සඟරාව පෙරළ පෙරළ හිටපු ඔහු මට කිවෙ රෑ කෑම මෙසේ අස් කර කර ඉද්දි. හීල්ලුණ සුසුමට ඔහේ පාවෙන්න ඇරල මම පුරුදු වැඩ ටික ඒ විදිහටම කරගෙන යන්න උත්සාහයක යෙදුණෙ සීතලට නොවුණත් මටම වාරු නැතින වෙව්ලන ඇඟිලි තුඩු අවනත කරගන්න උත්සහයක යෙදෙන ගමන්. ඒ නියෝගය හැමදාම ලැබෙන එකක් නොවුණත් මම කවදාවත් කනට අහන්න ආස කරපු නියෝගයක් නෙවෙයි ඒක.

'කි පාරක් කියන්න ඕනද මළමිණියක් වගේ ඉන්ඩ එපා කියලා' 
හතියත් හුස්මත් අතර අරගලයට මද විවේකයක් දීලා කඳ කෙලින් කරගත්තු ඔහුගෙ ඇස් මගේ ඇස් වලට එබුණ ඒ තරවටුවත් එක්ක. ඒත් එක්කම ජනේලෙ විනිවිදගෙන ආපු අකුණු එළියෙන් ලා රතු පාටට ඒ ඇස් දිලිසුණා. 
'තෝ මගේ ජීවිතේ කාලකණ්ණි කළා වල් වේසාවි' මගේ කන් අස්සෙ නිදාන උන්නු ඒ වචන අඬු පඬු දිගහැරල අවදි වෙනවත් එක්කම මම කකුල් තද කරල ඔහුගෙ උකුල හිරකරගත්තා 
මගේ ඇස් කට්ට කළුපාට අඳුරෙ මමත් නොදන්න දෙයක් හෙව්වා. කවදාවත්ම මට හොයාගන්න බැරිවුණු, සමහරවිට හෙව්වත් ජීවිත කාලෙටම හොයාගන්න බැරිවෙන දෙයක්. ඔහේ බලා ඉන්නව ඇරෙන්න මට කරන්න පුළුවන් දෙයක් තිබුණෙ නැහැ. ඔහුගෙත් මගේත් එකට කලවම් වුණු දාඩිය පිහදන්න ටිකෙක් ටික එළියෙ දඟලපු සීතල ලං වුණා. 'කල්ප, අනේ ප්ලීස් මට දරු පැටියෙක් දෙන්න' මම මට පුළුවන් උපරිම හඬින් ඒ වෙලේ මුර ගෑවා.

මේ එක් පුද්ගලයකු ගේ කතාවක් නොවේ. "මේ බුදුන්ගේ දේශයයි" කියා බස්වල තඩි පොල් අකුරෙන් ලියාගෙන යන (නමුත් ඇතුළේ තම දරුවන්ගේ වයසේ පාසැල් දරුවන්ට ජැක ගහන අංකල්ලා ඉන්න) රටේ මානවිකාවන් බොහෝ දෙනෙකු නොකියන කතාවයි. 

කාලකන්ණි වර්තමානයෙන් මොහොතකට මිදී, අතීතය දෙස හැරී බලා පොඩි සංසන්දනයක් කරනු පිණිස, අපි මොහොතක ඉසිඹුවක් ගෙන, මෙන්න මේ පුද්ගලයා දෙස බලමු.


මේ ඡායාරූපයේ දැක්වෙන්නේ, 1918 දී "What A Young Woman Ought To Know" ග්‍රන්ථය රචනා කළ ලේඛිකා Mary Wood Allen (1841-1908) මහත්මියයි. "Self and Sex" නම් ග්‍රන්ථ මාලාවේ කොටසක් ලෙස වර්ෂ 1918 දී ඈ විසින් රචනා කරන්නට යෙදුණ මේ ග්‍රන්ථය, දශක ගණනක් තිස්සේ දෙමාපියන් විසින් සිය දූවරුන්ට "හරිමග" කියා දෙන්නට පාවිච්චි කරන ලද්දකි. මේ වනාහි අද කන්‍යාභාවය මෙන්, එදා "අතිවිශිෂ්ට" ගණයේ සදාචාර සම්පන්න රාමුවක් ලෙස අර්ථ ගන්වන ලද යම් කරුණු කීපයක් දෙස, දශක ගණනකට පසුව ආපසු හැරී බැලීමකි. මූලාශ්‍ර වූ ඉංග්‍රීසි ලිපිය මෙතැනින් බලන්න.



මේ පහත දැක්වෙන්නේ එකී ග්‍රන්ථයේ "හුදෙකලා පාපය" (Solitary Vice) නම් පරිච්ඡේදයේ සිංහල පරිවර්තනයකි.


ගැහැණු දරුවකුගේ ලිංගික ප්‍රජනක පද්ධතිය අවදිවීමත් සමග, එය ස්වාභාවිකවම ඇයගේ මානසික ආකර්ෂණය ඇදගන්නට සමත්වන අතර, මෙය සිදුවීමත් සමග ඇගේ මනස (ඒ හැර) වෙනත් දේවල් වලට යොමු කරවීම කෙරෙහි උත්සුක විය යුතු වේ.  
මා කලිනුත් පවසා ඇති ආකාරයට, බොළඳ ආදර කතා කියැවීම (මේ කෙරෙහි) වඩාත්ම හානිකර බලපෑම ඇති කරයි. අනුරාගී ප්‍රේම ජවනිකා වලින් පිරී ඇති ඔවැනි ආදරබර, ශෘංගාරාත්මක කතන්දර කියැවීම මගින් එය කියවන්නා ගේ ලිංගික පද්ධතිය කෙරෙහි උත්තේජනයක් ඇති කරනු ලබන අතර, එමගින් ඇගේ ප්‍රජනක පද්ධතිය සක්‍රීය කරවීමත්, ඒ තුළින් ඇගේ මනස, එහි පියවි තත්ත්වයෙන් පිරිහීමටත් හේතු පාදක වේ. තරුණයන් සහ තරුණියන් අතර සිදුවන අල්ලාප සල්ලාප, බොළඳ කතා, හැඟුම්බර සිහින ආදියෙන් පිරි ලෝකයක අතරමංවීම, ගැහැණු දරුවකුගේ ප්‍රජනක පද්ධතිය අනවශ්‍ය ලෙස උද්දීපනය කිරීමට හේතු වන අතර, එමගින් ගැහැණු ළමයකු, ගැහැණියක බවට පත්වීම ඉක්මන් කරවයි.  
මෙකී උද්දීපනය, සමහර අවස්ථාවලදී "ස්වයං-අපහරණය" ලෙස හඳුන්වනු ලබන තත්ත්වය දක්වා වර්ධනය විය හැකි අතර, එහිදී ලිංගික අවයවයන්හි වින්දනාත්මක උත්තේජනයක් ඇතිකරනු ලබයි. මෙකී උත්තේජනය, භෞතික ක්‍රම මගින් හෝ හුදු මානසිකවම හෝ සිදු විය හැකි අතර, බොහෝ තරුණ ගැහැණු ළමෝ (සමහර විට මෙහි අහිතකර භාවය පිළිබඳව ඉවෙන් මෙන් වටහාගත්තත්) මෙහි ආදීනව පිළිබඳව දැනුවත් නොවෙති.  මෙකී උත්තේජනය ලබාගනු පිණිස භෞතිකව ස්පර්ශය හෝ වෙනත් එවැනි ක්‍රම භාවිතා කිරීමට තරම් පහත් මට්ටමට නොවැටෙන ගැහැණු ළමෝ පවා, මානසිකව මෙකී වින්දනයට ඇබ්බැහි ව සිටින හෙයින්, අර පළමු කී අයවලුන්ගෙන් එතරම් වෙනස් නොවෙති.  
ස්වයං-අපහරණයේ ප්‍රතිඵල ඉතා භයානක ය. එය මානසික ශක්තිය දුර්වල කරයි; මතක ශක්තිය පිරිහීමට හේතු වෙයි. එය සමේ වර්ණය අවපැහැ ගන්වයි; ඇස් වල දීප්තිය මිලාන කරවයි. ශරීරය දුර්වල කරවයි; එසේම උමතු භාවය දක්වා වර්ධනය විය හැකිය. ඉතාම ඇබ්බැහි කරවන සුළු මේ නරක පුරුද්දෙහි අයථා ප්‍රතිඵල දීර්ඝ කාලයක් පුරා පවතිනවා පමණක් නොව, ඉදිරි පරම්පරා වලට පවා සම්ප්‍රේෂණය විය හැකිය. 
පළමුව: මේ පොත කියවන්නට අවශ්‍ය කෙනෙක් වේ යයි සිතාගන්නට අපහසු වුණත්, මෙය ඓතිහාසික වැදගත්කමක් ඇති ග්‍රන්ථයක් නිසා, එය බාගත කරගන්නට කැමැත්තවුන් සිටී යයි උපකල්පනය කරමු. අවශ්‍ය උදවිය මෙතැනින් බා ගන්න.

දෙවනුව, අපි මේ කෘතිය වත්මන් දැනුම සමග සංසන්දනය කර බලමු. මෙය කොහෙත්ම අපහාසාත්මක විවේචනයක් නොවේ. එදා Mary Wood Allen මහත්මිය විසින් ඉතාම සද්භාවයෙන් යුතුව ලියන්නට යෙදුණු මේ කෘතියේ අඩංගු කරුණු කෙතරම් ප්‍රමාණයක් අද වන විට අවලංගු වී ඇත්දැයි සිතාගැනීම අපහසු නොවේ. විශේෂයෙන්ම දෙමාපිය පුරුදු නිසා දරුවන්ට ලිංගික සංකූලතා අත්වන්නේ ය යන කාරණයම, මෙකී මතයේ ඇති දුර්වලභාවය සනාථ කරවයි.

සටහන: කිසිදු ජීවියෙක්, සිය ජීවිත කාලය තුළ අත්කරගන්නා වූ ශාරීරික වෙනස්කම්, දරුවන් හට සම්ප්‍රේෂණය කිරීමෙහි සමත් වන්නේ නැත. එසේනම්, අතක් කැපුණු මිනිසකුගේ දරුවා ද අතක් නැතිව ඉපදිය යුතුය. මෙසේම, පරම්පරාවෙන් ඉතා කෙසඟ සිරුරක් හිමි අයෙකුට, දීර්ඝ කාලීන ව්‍යායාම මගින් පුෂ්ටිමත් සිරුරක් ලබාගත හැකිය. එහෙත් එසේ වුනාය කියා ඔහුගේ දරුවන් එවැනි සිරුරක් සහිතව උපදින්නේ නැත. 

අප මේ ලිපිය පළකෙළේ, කාලයත් සමග, සමහර සංකල්ප කෙතරම් නම් අවලංගු වන්නේ ද යන්න පෙන්වනු පිණිස ය. එදා ස්වයං-අපහරණය ලෙස හඳුන්වනු ලැබූ මෙම චර්යාව, අද හඳුන්වන්නේ ස්වයං වින්දනය යන නමිනි. එසේම එදා මෙන් නොව, අද එය වෛද්‍යවරුන් විසින් කිසිම දෝෂ දර්ශනයකට ලක් කිරීමකින් තොරව අනුමත කරනු ලබන සාමාන්‍ය චර්යාවකි. ඒ වනාහි, මීට වසර ගණනකට පෙර බටහිර ලෝකය ලිංගිකත්වය දුටු ආකාරයයි. වාසනාවකට මෙන් ඔවුන් අද ඒ ගොත්‍රිකත්වය කෙරෙන් මිදී ඇත. එහෙත් සුද්දා ගැහැණුන් වෙනුවට බල්ලන් ආදේශ කළ වනචාරී යුගයේ, යුද්දෙට යන සොල්දාදුවන්ගේ ගැහැණුන්ගේ අවංකත්වය රක්කවනු පිණිස කකුල් දෙක එක්කොට ඉබි යතුරු දැමු ම්ලේච්ඡ යුගයේ සිටිද්දී, කිසිදු සංස්කෘතික මරාලයකින් තොරව ගැහැණු උඩුකය නිරුවත්ව සිටි, එසේම ඕනෑම ගැහැනියකට ඕනෑම වෙලාවක නොබියව පාරේ යන්නට පිළිවන් ව හිටි අප, අද සුද්දාටත් වඩා කාලයේ ආපස්සට ගොස් ඇත.

ඕනෑම වැඩුණු ජීවියකු තුළ ලිංගික පරිණතියෙන් අනතුරුව ඇතිවන ලිංගික උද්දීපනයක් තිබේ. මෙය, බලෙන් යටපත් කොට වැළක්විය හැක්කක් නොවේ. එසේ කළ යුත්තක් ද නොවේ. එහෙත් ලිංගික හැගීම් සහ චර්යාවන් එළිපිට නොපෙන්වීම, මානව ශිෂ්ටාචාර ලක්ෂණයකි. එබැවින්ය, අප ඇඳුම් අඳින්නේ සහ ගෙවල් හදාගන්නේ. අග්ගඥ්ඥ සුත්‍ර දේශනාවට අනුව, ලිංගපරිණාමය නිසා නොවන්නට මිනිසුන්ට තනිව වෙසෙන්නට ගෙවල් අවශ්‍ය වන්නේ ද නැත.

එබැවින් ලිංගික උත්තේජයන් සම්බන්ධයෙන් කළ යුත්තේ කුමක්ද යන්න පිළිබඳව අපට දිය හැකි පිළිතුරු ප්‍රමාණය සීමාසහිත වෙයි. අප රහතන් වහන්සේලා හෝ සාන්තුවරුන් හෝ නොවන බැවින්, (එවැනි මානසික වර්ධනයක් ලබාගන්නා තුරු වත්, අඩුම ගණනේ) යෙදිය හැකි විසඳුම් දෙකක් වෙයි: එක්කෝ ප්‍රාග්-වෛවාහික ලිංගික සම්බන්ධතා අනුදැනිය යුතුය; නැතිනම්, ස්වයං-වින්දනය අනුදැනිය යුතුය. අපි මුලින්ම, මින් වඩාත්ම ආකර්ෂණීය මාතෘකාව වන ප්‍රාග්-වෛවාහික ලිංගිකත්වය පිළිබඳව කතා කරමු.  

පළමුව: කන්‍යාව යනු ලිංගික හැසිරීමක නොයෙදුණු තැනැත්තිය ය. කන්‍යාභාවය, ගැහැණුන්ට පමණක් අදාළ කරන්නේ මෙහි අපේ කලාපයේ ය; බටහිර රටවල නම් virgin යන වදන, ගැහැණු පිරිමි දෙපාර්ශවය කෙරෙහිම සම සේ යෙදේ. ගැහැණියට පමණක් බර පටවන මෙකී වචනය ගැන අපට ගැටළු රාශියක් ඇත. එහෙත් ඒ සියල්ලට පළමුව, මෙහි අර්ථ දැක්වීම පිළිබඳවම මහා බරපතළ ගැටළුවක් ඇති හෙයින් ඒ ගැන මුලින් සාකච්ඡා කරමු. සැබවින්ම කන්‍යාව යනු කිසිදාක ලිංගික චර්යාවක නොයෙදුණු පුද්ගලයෙකි. යුනික (vaginal), ගුදාශ්‍රීය (anal) සහ මෞඛ (oral) ලෙස ලිංගික චර්යාවන් ප්‍රධාන වර්ග තුනකි. අප රටේ මෙන්ම දකුණු ඉන්දීය කලාපයේ ම, කන්‍යාව ලෙස ගැනෙන්නේ කන්‍යා පටලය ලෙස හඳුන්වන චර්මීය සිවිය නොබිඳුණු, එනම් යුනික සංසර්ගයක නොයෙදුණු ඇත්තියකි. එසේනම්, "කටින් සහ යටින්" සියලු ශිල්ප දක්වා ඇති, එහෙත් කන්‍යා පටලය නොබිඳගත් ගැහැණියක්, මංගල යහනේදී කන්‍යාවක් ලෙස අර්ථ දැක්වෙන්නේ ද යන්න පළමුව විමසිය යුතුය.

දෙවනුව, උපතින්ම කන්‍යා පටලය අහිමිව උපදින 20%ක පමණ කාන්තාවන් සම්බන්ධයෙන් කන්‍යාභාවය පිරික්සන්නේ කෙලෙසක දැයි විමසිය යුතුය. (සටහන: අර උඩ කී සෙල්ලංකාරිය පරම පිවිතුරු කන්‍යාවක් ලෙස ගරුසම්මාන ලබා ගෙට වැද්දගනිද්දී, නොකළ දෙයකට [අප මෙහිදී "නොකළ වරදකට" යැයි නොකියා නොකළ දෙයකට කියන්නේ හිතා මතාම ය] අර දෙවනු කී කාන්තාව හතුරෙකුට වත් නොකරන අන්දමේ නින්දා අපහාස ගැරහුම් ලබන, නින්දා සම්පන්න සමාජයක් අදටත් මෙහි පවතින බව අපි ඔබට සිහිපත් කරමු).

තෙවනුව, කන්‍යා පටලය ද හුදෙක් අවයවයක් ම බව සිහියේ තබාගත යුතු බව ද කිව යුතුය. මේ කියන්නේ, කෙනෙකුගේ කේශ කලාපය, ඇස්වල වර්ණය, සමේ වර්ණය මෙන්ම, කන්‍යා පටලයේ ද ස්වභාවික වෙනස්කම් පැවතිය හැකි බව ය. සමහරුන්ගේ මෙය ඉතා ගනකම්ව පිහිටිය හැකිවාක් මෙන්ම, සමහරුන්ගේ මෙය ඉතා සියුම් ව ද පිහිටා තිබිය හැකිය. ශාරීරික ව්‍යායාම් හෝ හදිසි අනතුරු වැනි හේතු මත, අතක් පයක් තුවාල වනවා මෙන්ම, කන්‍යා පටලයට ද හානි පැමිණිය හැකිය. දැන් මේ කාණ්ඩයේ උදවිය කන්‍යාවන් සේ සලකනවාද නැද්ද යන්න ද ඇසිය යුතුය. (සටහන: මෙකී අනියත බිය නිසාම සිය දියණියන් ක්‍රීඩා වලට සහභාගි නොකරවන දෙමාපියන් ගණන අද සමාජයේ ද සුළුපටු නොවන බව කිව යුතුය).  

සිවුවෙනුව, hymenoplasty නම් සැත්කම් විශේෂය මගින්, හානි පැමිණුනු කන්‍යා පටලයක් ප්ලාස්ටික් සැත්කම් මගින් ප්‍රතිස්ථාපනය කිරීමට තරම් අද වෛද්‍ය විද්‍යාව දියුණුව ඇති බවද කිව යුතුය. අද වන විට ලක්ෂ කිහිපයක මුදලින් සිංගප්පූරුව වැනි රටකදී මෙකී සැත්කම කරවා ගැනීමේ පහසුව තිබේ. ලංකාවේ ද එක්තරා සුප්‍රසිද්ධ පුද්ගලික වෛද්‍ය ආයතනයක මෙකී සේවය සපයනු ලබන අතර, එහි මෙම සේවය ලබාගෙන ඇති පිරිස ද සුළු පටු නොවේ. (සටහන: මේ කියන්නේ මීට වසර තුනකට එපිට මතකය ඇසුරිනි; අද වන විට මෙම සැත්කම් හි සමත් අදාළ ශල්‍ය වෛද්‍යවරයා එහි සේවය කරන්නේ ද නැද්ද යන්න අප දන්නේ නැති බැවින්, ඒ ගැන විමසීමෙන් වළකින ලෙස කාරුණිකව ඉල්ලා සිටිමු.) දැන් මෙකී සෙකන්ඩ්-හෑන්ඩ් කන්‍යාව, කන්‍යාවක් ලෙස අර්ථ දැක්වෙන්නේ ද, නැද්ද යන්න, කන්‍යා සිවියෙන් සියල්ල මනින සංස්කෘතික පොලිස්කාරයින් ගේ විචාරයට ලක්කළ යුතුය.

පස්වෙනුව, කන්‍යාභාවය තිබ්බත් නැතත්, වැදගත් වන්නේ ඉන් ඉදිරියට කාන්තාවක් හැසිරෙන ආකාරය ය. සිරි යහනේ දී කන්‍යාවක් වන ගැහැණියක්, ඉන් පසුව රට වටේ අයාලෙ යන්නියක් වුණොත්, අපේ සංස්කෘතික පොලිස්කාර අයියලා කොහොම හිටීවි ද? සැබවින්ම ඔබ තෝරාගන්නට කැමැති, මංගල යහනේ දී කන්‍යාවක් වන, එහෙත් ඉන්පසුව කිසිම සංවරයක් නැති ගැහැණියක් ද, නැතහොත් කන්‍යාවක් නොවන නමුත් විවාහය පණමෙන් රකින ගැහැණියක් ද?  

බටහිර රටවල නම් කන්‍යාභාවය යනු නොගිනිය හැකි වැදගත්කමක් ඇත්තාක් වනවා පමණක් නොව, සමහර විටෙක ලජ්ජා වීමට කාරණාවක් ද වන අවස්ථා තිබේ. එබැවින් විවාහයට ප්‍රථම ලිංගික එක්වීම යනු එහි එතරම් සැළකිය යුත්තක් ද නොවේ. එහෙත් ලාංකේය යයි අපම කියා ගන්නා සංස්කෘතිය තුළ, කන්‍යාභාවය යනු ඉතාම වැදගත්කමක් සහ බලවත්කමක් ඇති දෙයකි. ඇත්තටම අප්‍රිකානු ගෝත්‍රික සමාජ වල සහ දකුණු ඉන්දීය (උදා: කන්නඩා) වැනි සංස්කෘතීන්හි හැරෙන්නට, කන්‍යාභාවය පිරුවටයෙන් පරීක්ෂා කිරීම නම් වූ අමන ගෝත්‍රික චාරිත්‍රයට මේ තරම් වැදගත්කමක් ආරෝපණය කරන එකම රට අප විය යුතුය. 

කන්‍යාභාවය පමණක් නොව ස්ත්‍රියක් හා බැඳුණු බොහෝ සංකල්ප, ද්‍රාවිඩිය සමාජය තුළ "taboo" හෙවත් තහනම් වචන වෙයි. මෙහිදී අප ද්‍රාවිඩිය සමාජය යන්නෙන් අදහස් කරන්නේ ඉන්දු නිම්න ශිෂ්ටාචාරයෙන් පැවතෙන ආර්යයන්ට අයත් නොවන, ඉන්දීය අර්ධද්වීපයට ආර්යයන් පැමිණීමට පෙර වාසය කළ ගෝත්‍රික ජනයා ය. දමිළ, තෙලිඟු, වංග, කන්නඩා, චෝඩ, මලයාලි, ආදී විවධ ජනවර්ග රාශියක් මීට අයත් වේ. මෙකී ජනවර්ග සියල්ල තුළම, කාන්තාව සහ ලිංගිකත්වය යන සංකල්ප, පෙට්ටගමක් ඇතුළේ ලා වසා තැබීමේ සිරිත දක්නට තිබේ. එසේම කාන්තාවන් හට අවසැළකිලි දැක්වීම, අසාමාන්‍ය විවාහ චාරිත්‍ර (උදා: දකුණු ඉන්දියාවේ දී කාන්තාවකගේ මවගේ බාල සොයුරු මාමා හට සිට ලේලිය අතර විවාහය තහනම් නොවේ.), ළමා විවාහ, බහු විවාහ යන මේවා සාමාන්‍ය දේවල් ය. අද ද, දකුණු ඉන්දියාවේ කන්නඩා චාරිත්‍ර අනුව, ඔසප් කාන්තාව ගෙට වැද්දගනු නොලැබේ; ඇය ඔසප් පසුවන තුරු ගෙයින් පිටත වෙනම කුටියක වාසය කළ යුතුය. ආර්යයෝ මේ චාරිත්‍ර තරයේ පිළිකුල් කළහ. ඔවුන් අතර ද බහු විවාහ සහ සොයුරු-සොයුරි විවාහ නොපැවැත්තේ නොවේ. එහෙත් ඔවුන් කිසිදාක ලිංගිකත්වය මේ තරම් හිංසක සංකල්පයක් බවට පත්කෙළේ නැත. පසුකාලීන බ්‍රාහ්මණ සංකල්ප නිසා නොවන්නට, ආර්ය සමාජය පැහැදිලිව ස්ත්‍රිය හට දිය යුතු තැන දී තිබු සංස්කෘතියක් විය. මෙය මෙවැනි තනි ලිපියකින් පැහැදිලි කළ නොහේ. 

කෙසේ වෙතත් අද අප "කිළි" කියා අදහන බොහෝ දේවල්, සැබවින්ම දකුණු ඉන්දීය ආක්‍රමණ සහ ඉන් ලද ආභාසය නිසා ලද දේවල් මිස අපේ සංකල්ප නොවන බව කිව යුතුය. 

කන්‍යාභාවය සෙවීමේ වෙනම කුහක යටි අරමුණක් ද වෙයි. එනම් තමා මේ සයනය කරන්නේ නහඹුල් යුවතියක් සමගය යන හැගීම විඳිනු පිණිස ය. එහි වරදක් අපට කිව නොහැක. එහෙමනම්, කසාදය කරගන්නට පෙරාතුවම තමා කන්‍යාවක් සොයන බව පැහැදිලිව ප්‍රකාශ කර, ඊට ගැළපෙන විදියේ සහකාරියක් සොයා ගත යුතුය. නමුත් එසේ වන්නට නම්, තමාද එවැනිම වූ සංයමයකින් යුක්තව ඉන්නා එකෙක් වී තිබිය යුතුය. සරලව, ඔබ නහඹුල් යුවතියක් සොයන්නේ නම්, ඔබද නහඹුල් විය යුතුය. මිනිහෙකුට කළ හැකි කුහකම වැඩේ වන්නේ තමා ලෝකේ වටේ ඉන්නා ගැහැණුන් සමග සයනය කරන්නටත්, එසේ සයනය කර මංගල යහනේ දී කන්‍යාවක් සමග සයනය කරනු පිණිස සිහින දකින්නට සැරසීමත් ය. 

අපේ කාන්තාවන් හට මේ විකාරය මෙතැනින්ම කපා හෙළීම එතරම් අපහසු නොවේ. මේ ගැන අපට අදහස් රාශියක් දිය හැකි නමුත් අපි සරල ප්‍රශ්නයකින් ලිපිය අහවර කරමු: වැරදිලාවත් රටේ සියලු කාන්තාවන් කන්‍යාවන් නොවන දිනයක් ආවොත්, ඔය පරසක්වළ ගහන පාරිශුද්ධභාවය සොයන සිල්වත් ගුණවත් උපාසක අයියලා එදාට කසාද නොබැඳ ඉඳීවි ද? 

Saturday, November 9, 2013

බුදු හාමුදුරුවෝ සිංහල බෞද්ධ ද?

මේ ලිපියට ප්‍රස්තුත මාතෘකාව වන්නේ අන් කවරෙකුවත් නොව,  ලොවී ලොවුතුරා බුදුරජාණන් වහන්සේ ය. එබැවින් ඉහවහා ගිය අන්ධ භක්තිය, කඩුකස්තාන වනන ජාත්‍යාතල් එක සහ "ලෝකෙන් උතුම්ම මෙව්වා එක අපේ එක යකෝ" යයි සිතා සිටින අහවල් එක නිසා යම් යම් මතවාද වල එල්බගෙන සිටින සංවේදී සිත් ඇත්තන්ට මේ පොස්ටුව කියවීමෙන් වළකින ලෙස තරයේ අවධාරණය කර සිටුම්හ! 



හැමදාම දකින බුදුන් වෙනුවට මේ රූපය යෙදුවේ ද යම් හේතුවක් පිණිස ය. වටහා ගන්නෝ වටහා ගනිත්වා!

බුදුන් යනු කවරෙක් ද? 

පළමුව කිව යුත්තේ "බුද්ධ" යන්න ගෞරව සම්ප්‍රයුක්ත අභිධානයක් හෙවත් එක්තරා ආකාරයක පදවි නාමයක් මිසක පුද්ගල සංඥාවක් නොවන බවයි. අප වඳින්නේ පුදන්නේ "බුද්ධ" නම් වූ පුද්ගලයාට නොවේ. බුද්ධ නම් වූ ගුණයට ය. බොධියට හෙවත් "දැනීමට" පත් වුයේ බුද්ධ නමි. බුද්ධ යැයි කී විට අරහන්ත බුද්ධ, පච්චෙක බුද්ධ සහ සම්‍යක් සම්බුද්ධ යන බොධි තුනම අදාළ වේ. වෙනෙකෙක් ගේ උදව්වක් නැතිව තමා තම නැණින් චතුරාර්ය සත්‍යය වටහාගන්නේ, සහ දෙසීමෙහි සමත් වන්නේ සම්මා සම්බුද්ධ නමි. තමා තම නැණින් දැක වටහාගත්තත්, වෙනෙකෙකු හට මග පෙන්විය නොහැක්කේ පච්චේක බුද්ධ (හෙවත් පසේබුදු) නම් වේ. වෙනෙකෙකු ගේ මග පෙන්වීමෙන් ම කෙළෙස් නසා නිවන් සාක්ෂාත් කරගන්නේ අරහන්ත බුද්ධ (හෙවත් රහතන් වහන්සේ) නමි. තුන්තරා බෝධිය යැයි කී විට, නැතිනම් බුද්ධ යයි කී විට මේ තිදෙනාම අයත් වේ. එසේ වෙතත්, සාමාන්‍යයෙන් බුද්ධ යැයි කී විට ගැනෙන්නේ සම්‍යක් සම්බුද්ධ ගුණයෝ ය. එකී බුදු ගුණයෝ නම් අනන්තය හ, අප්‍රමාණය හ. ඒ ගුණ එකින් එක මෙනෙහි කිරීම අපහසු බැවින් අපි නව අරහාදී බුදු ගුණ නම් වූ ගුණස්කන්ධ නවයකට බෙදා ඒ ගුණකඳු එකින් එක සිහි කරමු. 
බුද්ධෙ'පි බුද්ධස්ස භණෙය්ය වණ්නං - කප්පම්'පි චෙ අඤ්ඤ මහාසමානො
ඛීයෙථ කප්පො චිර දීඝ මන්තරෙ - වණ්ණො න ඛීයෙථ තථාගතස්ස
යන මැයෙන් පූජාවලියේ පූජා සංග්‍රහ කථාවේ දක්වා ඇති විග්‍රහය අනුව, "කපක් මුළුල්ලේ බුදු මුවකින් ම බුදු ගුණ වැනුවත් කප ගෙවේ; බුදු ගුණ නො ගෙවේ." යනුවෙනි.

බුද්ධෝත්පාදය යනු කුමක්ද?

බුද්ධෝත්පාදය වනාහි දුලබ කරුණකි. එක් ඇසක් කණ කැස්බාවකු වසර සීයකට වරක් මුහුදු මතුපිටට පැමිණෙන විට, සයුරේ පාවන වියක සිදුරකින් අහස දැකීමට ඇති සම්භාවිතාව යම් සේ වන්නේ ද, මිනිසත් බවක් ලබා බුදු බණ ඇසීමට ඇති සම්භාවිතාව ඊට වඩා අඩු වන්නේ යැයි බුදුහු දෙසා වදාළ හ. එවැනි මිනිසත් බවක් ලදත්, ශුෂ්ක කල්පයක හෝ අබුද්ධෝත්පාද කාලයක උප්පත්තිය ලදොත් බණ ඇසීමක් නැත. කල්පය යනු එසේ මෙසේ කාලයක් නොවේ. ගව්වක් දිග, ගව්වක් පළල, ගව්වක් ගැඹුරැති වලක් කපා, වසර සීයකට වරක් අබ ඇටයක් බැගින් දමමින් වල පිරවුවොත්, වල පිරුණත් කල්පය නොගෙවේ යැයි කියති. එසේම ගව්වක් උස, ගව්වක් දග, ගව්වක් පළල කළුගල් පව්වක් සිනිඳු සුදු මුදු සේද රෙද්දකින් පිරිමැද කළුගල ගෙවා දැම්මත්, කල්පය නොගෙවේ යැයිද කියති. සමහර කල්පවල බුදුවරු උපදින්නේ නැත. ඒවා ශුෂ්ක කල්ප වේ. කල්පයක උපරිමව බුදුවන්නේ බුදුවරු පස්නමකි. එවැනි කල්ප භද්‍ර කල්ප නම් වේ. අප මේ ගෙවන්නේ එවැනි භද්‍ර කල්පයකි.

බුද්ධෝත්පාදය එතරම් ම දුලබ නිසාය, අප අද ද බුදුන් වඳින විට "යෙ ච බුද්ධා අතීතා ච, යෙ ච බුද්ධා අනාගතා - පච්චුප්පන්නා ච යෙ බුද්ධා අහං වන්දාමි සබ්බදා" හෙවත් "අතීතයේ යම් බුදු කෙනෙක් වී ද, අනාගතයේ යම් බුදු කෙනෙක් වන්නේ ද, වර්තමානයේ යම් බුදු කෙනෙකුන් වන්නේ ද, ඒ සියල්ලන් සදාකල් හිම වන්දනා කරමි" යනුවෙන් වඳින්නේ. අද්‍යතන ශාසනය වනාහි මේ කල්පයේ සිවුවන ප්‍රඥාධික මූල සම්පන්න ගෞතම බුද්ධ ශාසනයයි. මේ කල්පය තුළ කකුසඳ, කෝණාගමන, කාශ්‍යප, ගෞතම සහ මෛත්‍රී (මෙත්තෙය්ය) නමින් බුදු වරු පස් නමක් බුදු වී වදාරන්නේ යැයි ලලිත විස්තරයේ සඳහන් වේ. මේ එහි සිවුවන ගෞතම බුද්ධ ශාසනයයි.

බුදුකෙනෙකුන් බුදු වීම වනාහි ද, එසේ මෙසේ කරුණක් නොවේ. බුදු වීමට නම් දස පාරමී ධර්ම, එක එකක් තුන් ආකාරයක් බැගින් පාරමී තිහක් පිරිය යුතුය. මෙසේ පාරමී දම් පුරන්නෝ බෝධිසත්ත්ව හෙවත් බෝසත්වරු නම් වෙති. ප්‍රඥාධික, ශ්‍රද්ධාධික සහ වීර්යාධික ලෙස බෝසත්වරු තුන් කොටසකි. ප්‍රඥාධික බෝසත්වරු, සාරාසංඛ්‍ය කල්ප ලක්ෂයක් (කල්ප වලින් අසංඛ්‍ය ලක්ෂ හතරක්; අසංඛ්‍යය යනු දහයේ විසිහතර වන බලයයි, ලක්ෂය යනු දහයේ පස්වන බලයයි) පාරමී ධර්ම පුරති. ශ්‍රද්ධාධික බෝසත්වරු අෂ්ටාසංඛ්‍ය කල්ප ලක්ෂයක් ද (කල්ප අසංඛ්‍ය ලක්ෂ අටක්), වීර්යාධික බෝසත්වරු ශෝඩසාසංඛ්‍ය කල්ප ලක්ෂයක් ද (කල්ප අසංඛ්‍ය ලක්ෂ දහසයක්) පෙරුම් දම් පුරති.

පෙරුම් දම් හෙවත් පාරමී ධර්ම ගැනද වචනයක් කිවයුතුය. නිර්වාණාවබෝධය පිණිස පාරමී ධර්ම නම් වූ ගුණධර්ම සමුදායක් සපුරා තිබිය යුතුය. දස පාරමී ධර්ම ලෙස හැඳින්වෙන්නේ ඒවාය.
දාන සීලංච නෙක්ඛම්මං පඥ්ඥා වීරියෙන පංචමං
ඛන්තී සච්චමදිට්ඨානං මෙත්තුපෙක්ඛා'ති මෙ දස

හෙවත් දාන, සීල, නෛෂ්ක්‍රම්‍ය, ප්‍රඥා, වීර්ය, ක්ෂාන්ති, සත්‍ය, අධිෂ්ඨාන, මෛත්‍රී, උපේක්ෂා යනු ඒ පාරමිතා දහයයි. මේවා, පාරමී, උප පාරමී, පරමත්ථ පාරමී ලෙස තත්ත්ව තුනකින් යුතුය, පාරමී යනු ගේ දොර වතුපිටි දේපළ පවා කැප කරගෙන මෙකී ගුණධර්ම පිරීමයි. උප පාරමී යනු සිය ශරීරාංග පවා කැප කරගෙන ගුණදම් පිරීමයි. පරමත්ථ පාරමී යනු ජීවිතය පවා කැප කරගෙන ගුණදම් පිරීමයි. රහත් වෙන්නට දස පාරමී ප්‍රමාණවත් ය. පසේබුදු වෙන්නට පාරමී සහ උප පාරමී අවශ්‍ය වේ. බුදු වෙන්නට නම් සමතිසක් පාරමී දම් තිහම සපුරා තිබිය යුතුය. (පසුගිය දිනෙක හරකුන් වෙනුවෙන් "ජීවිත පූජාවක්" කළ එක්තරා හිමිනමක් සම්බන්ධයෙන් සමහරු කීවේ උන් වහන්සේ පරමත්ථ පාරමී පිරු බවකි. ඒ ගැන අපේ මතය මෙන්න මේ ලිපියෙන් බලන්න.)

කරුණු මෙසේ හෙයින් බුදු හාමුදුරුවන් වැඳීම යනු පුද්ගලයෙක් වැඳීමක් නොව යම් ගුණ සමුදායක් කෙරෙහි දක්වන ගරුත්වයක් බව පැහැදිළිය. දේවාගම් සහ ඊශ්වරනිර්මාණවාද වලින් බුදු දහම වෙනස් වන්නේ මෙන්න මෙකී කාරණාව නිසාය. බුදුදහම තුළ අන්ධ භක්තියක් නැත. එතුළ ඇත්තේ විමංසනසීලී ගෞරවයකි. බෞද්ධයකු තුළ බුදුන් වහන්සේ කෙරෙහි ඇත්තේ පාලකයකු කෙරෙහි වහලෙකු දක්වන ආකාරයේ භය සම්ප්‍රයුක්ත යටහත් භාවයක් නොව, වැඩිහිටියකු කෙරෙහි දරුවකු, ගුරුවරයකු කෙරෙහි ශිෂ්‍යයකු හෝ තමාට වඩා වයසින් ගුණයෙන් වැඩි කලණ මිතුරකු කෙරෙහි මිතුරකු දක්වන්නා වූ ගෞරවයකි.

බෞද්ධයා යනු කවරෙක් ද?

බෞද්ධයා යනු තෙරුවන් සරණ ගිය කෙනෙකිය යන්න පෙරපාසල් දරුවකු පවා දන්නා දෙයකි. එහෙත් මේ පිටුපස ඇති පුළුල් අර්ථය ග්‍රහණය කර නොගැනීම නිසා, ඕනෑම කාපාළුවකු හට හුදෙක් සරණාගමනය කී පමණින් බෞද්ධයකු විය හැකියැයි ගම්‍ය වේ. සත්‍ය වශයෙන්ම සරණාගමනය යනු එවැනි සරල කටයුත්තක් නොවේ. එකී වාක්‍ය තුන තුළ ගැබ්ව ඇති ගැඹුර විස්තර කරනු වස් මෙවැනි බ්ලොග් ලිපි එකක් කොහෙත්ම ප්‍රමාණවත් නොවේ.

සරණ යන්නේ කීම? අසරණ බවක් නැත්තකු හට සරණ යාමක් අවශ්‍ය නොවේ. සරණ යාමක් අවශ්‍ය වනුයේ සසර බිය දකින්නකු හටය. උපතේ සිට මරණය දක්වා ජීවත් වන හැම මොහොතකම, ජීවිතය පිරී ඇති අවිනිශ්චිත භාවය සහ අනනුකම්පීය භාවය ග්‍රහණය කර නොගන්නකු හට, සංසාරය තුළ බියක් ඇති බවක් දැනෙන්නේ නැත. මෙසේ සසර බිය දක්නේ, එකී සසර බියෙන් නිදහස් වනු කැමැත්තේ, එකී සසර ගමන නවතනු වස් බුදුන් සරණ යයි; දහම් සරණ යයි; සඟුන් සරණ යයි. එතෙකින් හෙතෙම බෞද්ධ උපාසක (උපාසිකා) නම් වේ. එහෙත් සරණ ගිය පමණින් නිදහස් වෙන්නේ නැත; පන්තියට ගිය පළමු දවසෙම සම්පූර්ණ විෂය නිර්දේශය ඉගෙන ගත හැකි නොවන්නා සේ ය. (එසේ කල සමහරු එදා ද වූහ; අද ද විය හැකිය; හෙට ද වනු ඇත.)

කරුණු එසේ හෙයින් සරණාගමනය යන්න වැදගත් වන්නේ කවර හෙයින්ද යන්න ගැන මේ තරම් විස්තරයක් හෝ කර තිබීමේ වැදගත්කම, අප මෙන්ම පාඨකයා ද හඟිනු ඇත.

බුදුහාමුදුරුවන් කාගෙ ද? 

බුදු කෙනෙක් ලොව උපදින්නේ කාටවත් කොපිරයිට් දෙන්නට / ගන්නට නොවේ. බුදු කෙනෙක් උපදින්නේ සමස්ත සකල ජනී ජනයාගේම හිතෝපදේශය පිණිසය. එහෙව් බුද්ධ උප්පාදය වනාහී සක්වලක් සක්වලක් සිසාරා චතුරාර්ය සත්‍යය පතුරුවා, බුද්ධ වචනයෙන්ම කියන්නේ නම් "දහම් අමා බෙරය වයන්නටම" මිස, මේ කොදිව්වටම පමණක් සින්නක්කර ලියාගත හැක්කක් නොවේ. එසේ බුද්ධ චරිතය ඇසුරින් අපට උප්පැන්න ලියාගන්නට තරම් නිවට නිහීන ජාතියක් බවට පත්වන්නට තරම් අමිහිරි අතීතයක් අපට නැත.

බුදු හිමියන් සිය වදනින් මැ පහාරාද සුත්‍ර දේශනාවේ දී වදාළේ මෙසේ ය.


"පහාරාදය, යම් සේ වනාහි ගංගා, යමුනා, අචිරවතී, සරභූ, මහී යන මේ යම්කිසි මහා ගංගාවෝ වෙත් නම් ඒ ගංගාවෝ මහා සමුද්‍රයට පැමිණ පළමු නම් ගොත් හැර දමත්. මහා සමුද්‍රය යන සංඛ්‍යාවට, (නාමයට) පැමිණෙත්. පහාරාදය, එපරිද්දෙන්ම වනාහි රජ, බමුණු, වෙළඳ, ගොවි යන මේ සිවු කුලයෝ වෙත්ද, ඔවුහු ගිහිගෙන් නික්ම අනගාරිය සංඛ්‍යාතවූ, තථාගතයන් වහන්සේ විසින් දෙශනා කරණ ලද ශාසනයෙහි පැවිදිව පළමු නම් ගොත් හැර දමත්. ශාක්‍ය පුත්‍රවූ ශ්‍රමණයෝය යන සංඛ්‍යාවට පැමිණෙත්. පහාරාදය, යම් සේ වනාහි රජ, බමුණු, වෙළඳ, ගොවි යන මේ සිවු කුලයෝ වෙත්ද, ඔවුහු ගිහිගෙන් නික්ම අනගාරිය සංඛ්‍යාතවූ, තථාගතයන් වහන්සේ විසින් දෙශනා කරණ ලද ශාසනයෙහි පැවිදිව පළමු නම් ගොත් හැර දමත්. ශාක්‍ය පුත්‍රවූ ශ්‍රමණයෝය යන සංඛ්‍යාවට පැමිණෙත්. පහාරාදය, මේ වනාහි මේ ශාසනයෙහි සිව්වැනි ආශ්චය්‍ර්‍ය අද්භූතවූ ගුණ ධර්‍මයයි. එය දැක දැක භික්‍ෂූහු ශාසනයෙහි සිත් අලවත්. "

පාළි පාඨය: 


"සෙය්‍යථාපි පහාරාද, යා කාචි මහා නදියො, සෙය්‍යථිදං; ගංගා යමුනා අචිරවතී සරභූ මහී, තා මහාසමුද්දං පත්වා ජහන්ති පුරිමානි නාමගොත්තානි, මහාසමුද්දොත්වෙව සංඛං ගච්ඡන්ති, එවමෙව ඛො පහාරාද, චත්තාරො මෙ වණ්ණා, ඛත්තියා බ්‍රාහ්මණා වෙස්සා සුද්දා, තෙ තථාගතප්පවෙදිතෙ ධම්මවිනයෙ අගාරස්මා අනගාරියං පබ්බජිත්වා ජහන්ති පුරිමානි නාමගොත්තානි, "සමණා සක්‍යපුත්තියා"ත්වෙව සංඛං ගච්ඡන්ති. යම්පි පහාරාද චත්තාරො මෙ වණ්ණා, ඛත්තියා බ්‍රාහ්මණා වෙස්සා සුද්දා, තෙ තථාගතප්පවෙදිතෙ ධම්මවිනයෙ අගාරස්මා අනගාරියං පබ්බජිත්වා ජහන්ති පුරිමානි නාමගොත්තානි, "සමණා සක්‍යපුත්තියා"ත්වෙව සංඛං ගච්ඡන්ති. අයං පහාරාද, ඉමස්මිං ධම්මවිනයෙ චතුත්ථො අච්ඡරියො අබ්භූතෝ ධම්මො යං දිස්වා භික්ඛු ඉමස්මිං ධමමවිනයෙ අභිරමන්ති."

[අංගුත්තර නිකාය, අට්ඨක නිපාතය, පඨම පණ්ණාසකය, දෙවන මහාවග්ගය, නවවන සුත්‍රය වන පහාරාද සුත්‍රය: ආශ්‍රිතය, බුද්ධ ජයන්ති ත්‍රිපිටක ග්‍රන්ථමාලා 2006 නව මුද්‍රණය.]

එසේනම් ඊළඟට පිළිතුරු දිය යුතු අනිවාර්ය ගැටළුව වන්නේ, "සිංහල" බෞද්ධයන් සිටිය හැකි ද යන්නයි. බෞද්ධයා බෞද්ධයෙකි. සසර බිය දකින්නෙකි. මිසක ජාතිවාදයෙන් උදම් වන්නෙකු නොවේ. ජාතිකාභිමානය කරණකොටගෙන සිය ජනවර්ගයේ උන්නතිය පිණිස පෘථග්ජනයකු ක්‍රියා කිරීම කෙසේ වෙතත්, බුදුදහම සින්නක්කර ලියාගැනීමට සමහර ජාතිකවාතකරුවන් දරන ප්‍රයත්නය කෙතරම් විහිළුවක් ද යන්න මින් මනාව පෙනේ.

බෞද්ධයන්ට පිට කොඳු ආනයනය කිරීම 

බුදුන් මෙලකට වඩින්නට පෙර පටන් මැ අපි ඉතාම ප්‍රෞඪ දේශයක් ව සිටියෙමු. බලි, තරු, රාවණ ආදී අසුරයින් ද, ඊටත් පසුව අනේකාකාර වූ උදාර සිංහල රජදරුවන්ද බිහිකළ මේ දේශයට, වීරත්වය අමුතුවෙන් තීන්ත ගා ආලිප්ත කරන්ට අවශ්‍ය වන්නේ නැත; එසේ අවශ්‍ය වන්නේ යයි යමෙක් සිතන්නේ නම් ඔහු වනාහි ඉතාම දුර්වල හීනමානයකින් පෙළෙන්නෙක් මිසක අන් කවරෙක් හෝ නොවේ.

එහෙත් අවාසනාවකට මෙන් අද අපට දකින්නට ලැබෙන්නේ ඔය කියනාකාර නිහතමානී ප්‍රෞඪත්වයක් නොව, නිවට නියාලු ඔතැනි ගෝත්‍රික සමාජයක කොටු වී ජීවත් වන වල්සතුන් පිරිසක් මිස උදාර සංස්කෘතියක උරුමක්කාරයන් පිරිසක් නම් නොවේ. මහින්දාගමනයෙන් ලද බුදුදහම හැරෙන්නට අද වෙනවිට අපට ගිරිය පුප්පාගෙන කෑ ගසන්ට වෙනින් මොනම කජ්ජක් හෝ නැත. ඒ නිසාය අද වෙන විට අහවල් පාපන්දු ක්‍රීඩකයා, අහවල් ගායකයා, අහවල් දේශපාලකයා, අහවල් චින්තකයා, අහවල් හොලිවුඩ් නිළිය බෞද්ධ වුනාය කියමින් කෑකොස්සන් දෙන්නේ. ඒ වනාහි ද, ඔය ඉහත කී හීනමානය නිසා මිසක අන් කවරක් හෝ නිසා නොවේ.

කොළඹ එක්තරා උපකාරක පංති ගුරුවරයකු සිය විෂය හඳුන්වා දුන්නේ, "මේ විෂය අමාරු නැත; අමාරු කරගෙන ඇත" කියා ය. එසේම අපටද, බුද්ධ ධර්මය සංකීර්ණ නැත; සංකීර්ණ කරගෙන ඇත කියා කියන්නට සිදුව තිබේ. අපේ පන්සල්වල හට පැනපු නායක හිමිවරු ත්‍රිපිටකය පොත් රාක්ක වල ඔබාගෙන සුවඳ දුම් අල්ල අල්ල ඉන්න අතරේ සුද්දෝ අපට වඩා වඩා ඉහළින් දහම් දැනුම ලබති. අපට කලින් ජීවිතයේ රසය විඳිති. අපේ උන්දෙලා තාමත් ලැජ්ජ නැතිව අරයගෙ මෙයාගෙ පශ්චාත් භාගයේ එල්ලි එල්ලී සිටිති.

"විජටයෙ ජටං" යන වචන දෙකෙන් සමස්ත බුදු දහම විස්තර කළ හැකිය. බුදු දහම තිබෙන්නේ ගැට ලිහන්න මිසක් ගැටගහන්නට නොවේ. අපේ බෞද්ධයන් කරන්නේ ගැටයක් අතට ලැබුණු විට ඊට "ශ්‍රී ලංකා" ලේබලය ඇලවීම මිසක ගැට ලෙහීම නොවේ. කොතරම් හීනමානික චින්තනයක් මේ රටේ ඇත්ද කියන්නේ නම්, හීනමානිකද කියනවා නම් බුදු හාමුදුරුවොත් මෙහෙටම සින්නක්කර ලියාගත්තේ නැත්නම් ආහාර ජීර්ණය පවා සිද්ද නොවෙන තැනට අපේ සමහරු පිටකොඳු බිඳගෙන සිටිති.

බුදුන් උපන්න දිවයින මේක (ලු)

පහුගිය කාලයේ මීවනපලානේ තෙරනම යැයි හඳුන්වනු ලබන එක්තරා තෙරනමකගේ මූලිකත්වයෙන්, ලැව්ගින්නක් සේ පැතිර ගිය "ජන්බුද්වීපවාදය" ද අපට මෙහිදී උදාහරණයක් සේ ගත හැකිය. මේ මිනිස්සු මේ සර්පයා අල්ලාගෙන ඇත්තේ ද අපූරු තැනකිනි. එනම් ජම්බුද්වීප යන්නෙනි. ජන්බුද්වීපවාදීන් ඔය වචනය කඩන්නේ "ජන් + බු + ද්වීප" කියා ය. සිහළ-සකු-පාළි සියලු සන්ධි රීති එසේ කඩා දමන ඔවුහු, ඊළඟට ඕකට බුදුන් උපන්න දීපය කියා ද කියති. අප දන්නා ඉතිහාසය අනුව නම් බුදු කෙනෙක් "උපදින්නේ" නැත; උපදින්නේ සිදුහත් කුමරු ය. බුදු වෙන්නේ ඊට පසුව ය. ජන්බුද්ද්වීප = බුදුන් උපන් ද්වීපය නම්, එසේනම් කක්කල් කැස්ස යන්නට "කක්කා කල් ඉකුත් වීමෙන් සෑදෙන කැස්ස" කියාද අර්ථ දැක්විය හැකි විය යුතුය.

ජන්බුද්වීප වාදීන් කියන ජනප්‍රියම තර්කය නම් ඉතිහාසයේ අශෝක නම් රජෙක් සිටියේ නැති බවත්, එය ඉන්දීය ඉතිහාසය "අමුතුවෙන්" ලියු සුද්දන්ගේ නිර්මාණයක් බවත් ය. එසේම, මහින්ද තෙරණුවන් ගේ ලංකාගමනය පිළිකෙව් කරන ඔවුහු මහාවංශය ලිව්වේ දමිලයෙක් බව කියමින් එය ද බැහැර කරති.

මහාවංශයට ගරහන මිනිස්සු ද ඇත; ඊට වඳින පුදන මිනිස්සු ද ඇත. අප ඒ දෙකටම අයත් නොවේ. මහාවංශය පමණක් නොව ඕනෑම ඉතිහාස ග්‍රන්ථයක් යම් තරමකට පක්ෂග්‍රාහී වීම වැළක්විය නොහැක. ඕනෑම ඓතිහාසික පොතක් විශ්වාස කළ හැකි සීමාවක් ඇත. අප අන්න ඒ සීමාව දැන, තාර බර හැර කරුණු වෙන්කර ගත යුතුය. වරදක් දෙකක් හෝ කීපයක් තිබු පමණින් මහාවංශය කුණු බක්කියට දැමීමට තරම් අපට උන්මාදයක් නැත.

මහාවංශය සහ අනිකුත් පොත් වැරදියට පරිවර්තනය කළාය කියන උදවිය ඔය කතා කරන්නේ පාළි ඉගෙන ගෙනද? පාළි එපා කියන ඔවුන් පාළි මහාවංශය ඇහැට වත් දැක ඇත්ද? යන්න වෙනම නැගිය යුතු පැනයකි.

මහාවංශයේ වැරදි තිබේ. ඒ කෙසේ වෙතත් උග්‍ර හීනමානයෙන් සහ භින්නෝන්මාදයෙන් පෙළෙන මානසික රෝගීන්ගේ සිතේ පහළවන මානසික ව්‍යාධි සම්පන්න පිස්සු මනෝවිකාරයකට වඩා අපට මහාවංශය විශ්වාස සම්පන්නය.

අපේ දැක්ම

අද වන විට මේ රටේ ඇතිව තිබෙන සංස්කෘතික, දේශපාලනික සහ ආර්ථික පසුබෑම නොදකින, නොදැනෙන එකෙකු මේ රටේ ඉන්නවා යැයි සිතන්නට බැරිය. ලොව උතුම්ම ධර්මය සිය පරවේණි බූදලයක් සේ සලකන රටේම මෙවැනි දේවල් දක්නට ලැබීම මහත්ම අවාසනාවකි. මන්ද ඒ හරහා ලෝකයට දෙනු ලබන පණිවුඩය ඉතාම ප්‍රබල එකක් නිසා ය. එබැවින් අවසාන වශයෙන් මේ රටේ සියලු බෞද්ධයන් ගෙන් එකම එක ඉල්ලීමක් කළයුතුව තිබේ.

පිස්සු කෙළින එක නවත්තලා දහමේ හිටපල්ලා. එවිට සියල්ල සාර්ථක වනු ඇත. 

Tuesday, November 5, 2013

අම්මේ, මටත් වටේ යන්න ඕනේ | Mamma, I also want to go round and round

ඇසට කඳුළක් එක්කරන්න තරම් සංවේදී වෙළඳ දැන්වීමක් දකින්න ලැබුණා කලාතුරකින්.. 


පැහැදිලි කිරීම බලන්න කලින් වීඩියෝව බලල ඉන්න.



.
.
.
.
.
.
.
.
.
.
.
.
.
.
.
.

ඔබ දැක්කද? ඒ කසාද බඳින්නෙ වැන්දඹුවක්...! වැන්දඹුවන් කසාද බඳිනවාට තාමත් එරෙහිවන, කන්‍යාභාවය ඔලුව උඩ තියාගෙන ඉන්න, හම සුදු නැත්නම් කෙල්ලෙක් ලස්සන නැහැයි කියල හිතන ගොබ්බ මානසිකත්වයේ ඉන්න සාම්ප්‍රදායික ඉන්දියානු සමාජයට දීපු ලස්සනම පණිවුඩයක්..

—උපුටාගැනීම චමීර දෙද්දුවගේ ගෙන්... 

Sunday, November 3, 2013

රටක් රැවටූ හලාල් වංචාව | The Great Halal Scam

මීට පෙර හලාල් දෙවන වටය නමින් අප පළකළ ලිපියේ, හලාල් ගැන අප මෙන්න මෙවැනි දේවල් ටිකක් කියා ඇත. 

"හලාල් සම්බන්ධව අපේ ස්ථාවරයේ මොනම වෙනසක් වත් සිදුව නැත්තේ ය. හලාල් යනු ඉස්ලාමික නීතිය, ඉස්ලාමික නොවන ජනයා මත බලෙන් පැටවීමෙකැයි අපි එදා සිටම කීවෙමු. 2013 වසරට සුබ "හලාල්" නව වසරක් ගෙන ආපු ACJU එකේ බයියලා, තමන්ගේ ගර්භාෂ ආක්‍රමණවාදයට පහර වදින විට අපව වසා දමන්නට උත්සාහ කළ අයුරු අපි ඊළඟට කීවෙමු. ඊට ප්‍රතිචාර ලෙස හලාල් බද්ද ගැන ඔබට කී අපි, හලාල් සහතිකයද හරිනම් හරාම් බවට උලාමාවට අභියෝග කළෙමු. මෙකී සටනේ දී විව්ධාකාර මන්ද මානසික පිස්සන් හමුවේ අපට විවිධාකාර අපවාද වලට ලක්වන්නට ද සිදුවූ අතර, ඒවාට අදාළ අවස්ථාවන්හි අපි පිළිතුරු ද දුන්නෙමු. ඉස්ලාම් පමණක් නොව බෞද්ධ සහ කිතුණු ආගමික මූලාශ්‍ර ඇසුරින් ද, හලාල් යනු හුදෙක් පදනමක් නැති පුස්සක් බවට අපි කරුණු ගෙනහැර දැක්වීමු. එසේම ඉස්ලාමික ජනතාව ඉදිරියේ සුදනන් වෙන්නට හදන උලාමාවේ මහා ෂරියා බැංකු මගෝඩිය ගැනද අපි සවිස්තරාත්මකව කරුණු දැක්වීමු. "

කෙසේ වෙතත් එකී ලිපියෙන් අප මතුකරන්නට උත්සාහ කළ කරුණ, එනම්, අන්තවාදය කවර මුහුණුවරින් ආවත්--දමිළ වේවා, ඉස්ලාම් වේවා, සිංහල වේවා--සහමුලින්ම පරාජය කළයුතු බව, වෙනුවට සමහර ගොබ්බයන් හලාල් සාධාරණීකරණය කිරීමේ අසාර්ථක ප්‍රයත්නයක් දරා තිබෙනු දක්නට ලැබිණි. මේ ටික ලියන්නේ අන්න එකී ඉස්ලාමික ගොබ්බයන්ගේ කටවල් වහනු පිණිස ය. 

2006 දෙසැම්බර් 13 වන දින නිකුත් කරන ලද අංක 1415/12 දරන අතිවිශේෂ ගැසට් පත්‍රය මගින්, සමස්ත ලංකා ජම්මියතුල් උලාමාවේ අවසරයකින් තොරව, "හලාල්" යන නම භාවිත කළ නොහැකි බවට, එවකට පාරිභෝගික කටයුතු අධිකාරියේ සභාපති සරත් විජේසිංහ මහතාගේ අත්සනින් යුතුව නියෝගයක් නිකුත් කර තිබිණි. මෙය වනාහි, නිසි ප්‍රමිතියකින් තොරව, විවිධ නිෂ්පාදකයින් විසින් "හලාල්" නම භාවිත කිරීමෙන් මුස්ලිම් පාරිභෝගිකයින් වෙත සිදුවන අසාධාරණය වළක්වාලනු පිණිස දෙනලද වරප්‍රසාදයකි. 

මෙන්න අදාළ ගැසට් පත්‍රයේ ඡායාරූපයක්. 



එහෙත් මෙකී විධිවිධානවල සීමා ඉක්මවා යමින් සහතිකකරණ ක්‍රියාවලිය තුළ මුදල් අයකිරීම හේතුවෙන්, 2007 සැප්තැම්බර් මස 06 වෙනි බ්‍රහස්පතින්දා නිකුත් කළ, අංක 1513/24 දරන ශ්‍රී ලංකා ප්‍රජාතාන්ත්‍රික සමාජවාදී ජනරජයේ අතිවිශේෂ ගැසට් පත්‍රයේ අංක 14 දරන විධානය මගින්, 2003 අංක 09 දරන පාරිභෝගික කටයුතු පණත යටතේ උලාමාවට ලබා දී තිබු ඉහත වරප්‍රසාද සියල්ල අහෝසි කරන ලදි. 

මෙන්න අදාළ ගැසට් පත්‍රයේ ඡායාරූපය: 



දැන් එතකොට මෙහි සරල අර්ථය වන්නේ 2007 සිට මේ දක්වා, ඕල් සිලෝන් ජම්මියතුල් උලාමාව විසින් හලාල් සහතිකකරණ ක්‍රියාවලිය සහ ඒ වෙනුවෙන් ශ්‍රී ලාංකික පාරිභෝගිකයන්ගෙන් ලක්ෂ කෝටි ප්‍රකෝටි ගණනින් මුදල් ගරාගැනීම සිදුකරනු ලදුව ඇත්තේ, පැහැදිලිවම නීති විරෝධී ආකාරයට බව පෙනේ. 

ඊළඟ ප්‍රශ්නය: මේ ආකාරයට ජම්මියතුල් උලාමාව මේ වන විට කෙතරම් මුදලක් උපයාගෙන ඇත්ද? මෙන්න අපේ පැරණි ලිපියකින් සරල උදාහරණයක්.

ඔබ බිස්කට් නිපදවන්නේ යයිද, මසකට 100g බිස්කට් පැකට් 100,000 ක් නිපදවන්නේ යයිද සිතමු. පරිමාව මත පදනම්ව ඔබට අමතර ව තවත් රු. 200,000 ගෙවීමට සිදු වේ යයි සිතමු. එවිට ඔබේ අමතර මාසික (හලාල්) පිරිවැය (අවම වශයෙන් වත්) රු. 454,000 / 12 = රු. 37,833 කි. එවිට එක පැකට්ටුවකට අමතර වියදම 37,833 / 100,000 = ශත 37කි. එක පැකට්ටුවකට ශත 37 ගණනේ ඔබ ජීවිත කාලයට එකී බිස්කට් packet 1000 ක් කා ඇති යයි සිතමු. එවිට ඔබ මේ වන විට මුසල්මානුවන්ට දැනටම රු. 370 /= ක් ගෙවා ඇත. ඔබ වැනි මිනිසුන් 1000ක් වසන කුඩා ගමකින් මුසල්මානුවන් හට මාසිකව රු. මිලියන 0.37ක බද්දක් ගෙවා තිබේ!! මොකටද? එය හලාල් බව සහතික කිරීමට ය? ඔබ හලාල් නොවේ නම් ඔබ මේ මුදල ගෙවා ඇත්තේ කුමටද?

මේ අනුව මිනිස්සු 1000කට පමණක් බිස්කට් පැකට් ලක්ෂයක් පමණක් විකිණෙන කුඩා පරිමාණ බිස්කට් ව්‍යාපාරිකයකු හරහා උලාමාව මසකට රුපියල් මිලියන 0.37ක නිල නොවන බද්දක් උපයාගෙන තිබේ. ඔබ වැනි හලාල් සහතික ලත් කුඩා පරිමාණ ව්‍යාපාරිකයන් 100ක් මේ රටේ ඉන්නවා නම්, ඔබ සියල්ලෝම එක්ව උලාමාවට එක් මාසයකට පමණක් රුපියල් මිලියන 37ක් ගෙවා තිබේ. අප මේ කතා කළේ සුළු පරිමාණ ව්‍යාපාර ගැන පමණි. මහා පරිමාණ ව්‍යාපාර ගැන කවර නම් කතාද? 

වැදගත්ම ප්‍රශ්නය වන්නේ මෙකී රුපියල් බිලියන ගණනක අයථා මුදල් යොදවනු ලැබ අත්තේ කවර කාරණා වෙනුවෙන් ද යන්නයි. මෙන්න ජම්මියතුල් උලාමාවේ ප්‍රතිපත්ති ප්‍රකාශනයෙන් ම උපුටා ගන්නා ලද වගන්ති:
1. ඉස්ලාම මතවාද ප්‍රවර්ධනයට හා ආරක්ශා කිරීමට යෙදවීම
2. මුස්ලිම් ආගමිකයන් අතර මිත්‍රත්වය තහවුරු කිරීම
3. ඉස්ලාම ආගම අනුව ඉස්ලාම සුභසාධක තත්වයන් නැන්වීම
4. ඉස්ලාම ආගම පිලිබඳව සම්මන්ත්‍රණ පැවැත්වීම
5. ඉස්ලාම ආගම පිලිබඳව පොත් ප්‍රකාශනය, බෙදා හැරීම, පුස්තකාල පවත්වාගෙන යාම
6. අරාබි භාෂාව ප්‍රවර්ධනය කිරීම
7. සියලුම පරිපාලන දිස්ත්‍රික්කයන් තුල තම පරිපාලන කාර්යාලයන් පිහිටුවීම

අප කලිනුත් කීවා සේ, ඔය කී ලැයිස්තුවේ කොතැනක හෝ ඔබ "ඉස්ලාම්/මුස්ලිම්" යන වචන හැර වෙනත් ආගමකට ජාතියකට සෙතක් වන වචනයක් හෝ දුටුවාද? බිස්කට් පැකට්ටුවකට ශත 37ක් කී විට ඔබ එය "හාපෝ සුළු මුදලක්නේ" යයි කියන්නට ඇත. එය අපට හොඳටම විශ්වාසය. මිනිසුන් 1000ක් යනු ඉතා කුඩා ගමකි. දැන් මේ කුඩා ගමේ මුස්ලිම් පල්ලියක් හදන්නට, මුස්ලිම් වාදය ප්‍රචාරය කරන්නට, ඔබ සිය කැමැත්තෙන්ම මසකට රු. මිලියන 37ක් පල්ලියට නිකම් පූජා කොට ඇති බව පිළිගන්නවාද? ඔබ ඔබේ ගමේ පන්සලට වත් මෙතරම් මුදල් දී තිබේද?

කරුණාකර මෙය අන්තවාදී විහිළුවකැයි නොසිතන්න. අපේ රටේ දැනට මුස්ලිම් නොවන එහෙත් හලාල් ලකුණ දරන භාණ්ඩ 4500ක් පමණ වේ. මෙකී සියලු භාණ්ඩ හා සේවා මගින් වසරකට රු. මිලියන 787ක මුදලක් මුස්ලිම් පල්ලියට ලැබේ. මෙය නියම පරිමාණයට සැලකීම සඳහා අපේ රටේ වසරක තෙල් ආනයන වියදම වන රුපියල් බිලියන 3ක මුදල හා සසඳන්න.

මේ හේතුව නිසාම, තහනම් වචන ලියන අපි, මීට මාස කීපයකට පෙර ජම්මියතුල් උලාමාව වෙත විවෘත සන්දේශයක් යැවීමු. මෙන්න එහි අප ඔවුන්ට කළ අභියෝගයෙන් කොටසක්.
මේ අභියෝගය උලාමා වරුන්හටයි. හැකිනම් ඔබ එදා ලක්ෂ ගණනින් මුදල් වියදම් කරමින් පුවත්පත් දැන්වීම් දැමුවා සේ, තව එක දැන්වීමක්, එකම එක දැන්වීමක් පළ කරන්න. කොන්ද පණ තිබේ නම් එහි මෙන්න මේ විස්තර ටික ඇතුළත් කරන්න. 
1. හලාල් සහතිකය ලැබූ ආයතන වල නම් ලැයිස්තුවක්.
2. පසුගිය වසර පහ තුළ ඔවුන් හලාල් සහතිකය ට ගෙවූ මුදල.
3. පසුගිය වසර පහක ඔබේ විගණන වාර්තා. (ඔබ මේ මුදල වියදම් කළේ කෙසේද?)
4. කෙනෙකු හට සේවයක් නොසලසා ඔහුගෙන් ලබන මුදල හරාම් නොවේ යන්නට ආගමානුකූල සාධක.
5. අවසාන වශයෙන්, මේ ලංකාව තුල මූල්‍ය කටයුතු වල යෙදීම සඳහා අනිවාර්යයෙන්ම ලබා ගත යුතු මහා බැංකු අවසරය පිලිබඳ සාක්ෂි.
අපට මුස්ලිම් ප්‍රජාව සමහ කිසිම ගැටළුවක් නැත. අපට ඇති ගැටලුව නම් මුස්ලිම් නොවන ප්‍රජාව මත බලෙන් පටවා ඇති මේ හලාල් බද්දයි. අප යෝජනා කරන්නේ ඉතාම සරල විසඳුමකි. එක්කෝ හලාල් නොමිලේ (හෝ සහන මිලකට) දෙන්න. බැරිම නම් හලාල් අකුලා ගන්න. ඔබ ඔබේ වියදමින් ඔබේ ආගම ප්‍රවර්ධනය අපට කිසිම ගැටළුවක් නැත. අපට ඇති ගැටලුව එය අපේ වියදමින් කිරීමයි.

අන්තිමට හලාල් හොඳයි කියන උදවියගෙන් අහන්න ඉතුරුව ඇත්තේ එකම එක පැනයකි: ගත්තු සල්ලි කැමැත්තෙන් දෙනවද? නැත්නම් නඩු දාල ගන්නද? 

විශේෂ ස්තුතිය: ජාතික හෙළ උරුමයේ ජාත්‍යන්තර සබඳතා ලේකම් සහ මධ්‍යම කාරක සභික නරේන්ද්‍ර ගුණතිලක මහතාට. 

Saturday, November 2, 2013

හලාල් දෙවන වටය | Halal Take Two


එක්තරා කාලෙක සෑහෙන කතාබහට ලක් වූ "හලාල්" සහතිකය ගැන අපේ බොහෝදෙනා හට ඉක්මණින්ම අමතක වී ගියේ ය. එය පුදුම වන්නට හේතුවක් නොවේ. අප මීට කලින් ලිපියක කියා ඇති සේ, හලාල් යනු ද එක්තරා "පෙත්තකි". පෙත්තේ ආයු කාලය එය ඉලක්ක කරන රෝගයට සාපේක්ෂව වෙනස් වේ. උදාහරණයක් ලෙසට උණට බොන පැරසිටමෝල් පෙත්තේ බලය තියෙන්නේ උපරිමව පැය හයකි. මේ නිසා රටේ ජනතාවට දිගින් දිගටම ප්‍රශ්න අමතක කරවන්නට නම්, දිගින් දිගටම මත්පෙති දිය යුතුව තිබේ. කොටින්ම මරණ බය වත් අපේ උන්දෙලාට වැඩිකල් දැනුණේ නැත. අප රටේ දැන් වේගෙන යන මේ විපරියාස ආටක නාටක රංගන දුටුවාම, අපේ රංගොජාලා හට ඕනෑම බඩකඩුත්තුවක් මතක තියෙන්නේ සති දෙකක් පමණක් යැයි පිරිබාහරන් නම් මිනීමරුවා කී කතාව ඇත්ත යැයි, සිය දහස් වර අපට කල්පනා වේ. 

අවංකව කියතොත්, හලාල් සටනේ පළමු වටය වතුරෙන් උඩට පැන නැගී "පොහ්!" ගා පිපිරී ගිය දිය බුබ්බුලයකට වඩා දෙයක් ජනතාවට වත් රටේ දේශපාලනයට වත් දායක කළේ නැත. ඊට මූලික හේතුවක් වුයේ එකිනෙකාගේ අදහස් වල ඝට්ටනය බවද නොරහසකි. හලාල් සහතිකය පමණක් නොව, මුසල්මානුවන් සම්බන්ධව පවා මෙරට ජාතිකත්වවාදීන් බොහෝ දෙනා පොදුවේ එක ආස්ථානයක සිටියේ නැත. බොදුබල සේනා, සිංහල රාවය, රාවණ බලය වැනි එක් එක් සංවිධාන මට්ටමින් පමණක් නොව, ඒ සියල්ලට පරිබාහිර සාමාන්‍ය ජන සමාජය තුළ වුව ද එහි වෙනසක් දැකිය හැකි නොවී ය. 

හලාල් සහ ඉස්ලාම් ආක්‍රමණවාදය ගැන එක් එක් උදවිය සිටි ස්ථාවරයන් මෙසේ සම්පිණ්ඩනය කළ හැක.

මුසල්මානුවන් ගැන මතය
ඔවුහු මේ රටේ උදවිය වෙති ඔවුහු මේ රටට අයත් නැත
හලාල් ගැන මතය නිකං දුන්නත් එපා
කණ්ඩායම A
කණ්ඩායම B
නොමිලේ නම් වරදක් නැත
කණ්ඩායම C
කණ්ඩායම D

සාමාන්‍යයෙන් මින් A සහ D කණ්ඩායම් වලට අයත් උදවිය ඉතා විරලයෝ හ. බහුතරය සිටියේ B සහ C කණ්ඩායම් වලය. මෙහිද පැහැදිලි සම්බන්ධයක් පෙනෙන්නට තිබේ. එනම්, හලාල් නිකන් දුන්නත් එපා කියන උදවිය බොහෝවිට මුසල්මානුවන් මේ රටට පිටින් ආ ආක්‍රමණිකයන් පිරිසක් ය යන ස්ථාවරයේ පිහිටා සිටි බව පෙනේ.

මේ අතරම සමහර "සිංහ-අලියන්", මුසල්මානු යන වචනය සෑදෙන්නේ "මූසල" යන සිංහල වචනයෙන් යැයි කියා අමුතුම ආතල් එකක් ගන්නවා ද අපි දුටිමු. 

සරලවම කියනවා නම් හලාල් සම්බන්ධව අපේ ස්ථාවරයේ මොනම වෙනසක් වත් සිදුව නැත්තේ ය. හලාල් යනු ඉස්ලාමික නීතිය, ඉස්ලාමික නොවන ජනයා මත බලෙන් පැටවීමෙකැයි අපි එදා සිටම කීවෙමු. 2013 වසරට සුබ "හලාල්" නව වසරක් ගෙන ආපු ACJU එකේ බයියලා, තමන්ගේ ගර්භාෂ ආක්‍රමණවාදයට පහර වදින විට අපව වසා දමන්නට උත්සාහ කළ අයුරු අපි ඊළඟට කීවෙමු. ඊට ප්‍රතිචාර ලෙස හලාල් බද්ද ගැන ඔබට කී අපි, හලාල් සහතිකයද හරිනම් හරාම් බවට උලාමාවට අභියෝග කළෙමු. මෙකී සටනේ දී විව්ධාකාර මන්ද මානසික පිස්සන් හමුවේ අපට විවිධාකාර අපවාද වලට ලක්වන්නට ද සිදුවූ අතර, ඒවාට අදාළ අවස්ථාවන්හි අපි පිළිතුරු ද දුන්නෙමු. ඉස්ලාම් පමණක් නොව බෞද්ධ සහ කිතුණු ආගමික මූලාශ්‍ර ඇසුරින් ද, හලාල් යනු හුදෙක් පදනමක් නැති පුස්සක් බවට අපි කරුණු ගෙනහැර දැක්වීමු. එසේම ඉස්ලාමික ජනතාව ඉදිරියේ සුදනන් වෙන්නට හදන උලාමාවේ මහා ෂරියා බැංකු මගෝඩිය ගැනද අපි සවිස්තරාත්මකව කරුණු දැක්වීමු. 

අවසානයේ හලාල් බද්ද අවසන් යැයි මහා රාවයක් යද්දී, මොහොතකට සැනසුම් සුසුමක් හෙළමින්, එහෙත් හලාල් බද්ද සැබෑවටම අවසන් ද යනුවෙන් ඔබට පැනයක් ඉතිරි කරමින්, අපි හලාල් මොහොතකට අමතක කළෙමු. 

එහෙත් අවාසනාවකට මෙන් හලාල් ද ඇතුළු ඉස්ලාමික අන්තවාදයට එරෙහි සටනේ දී අප විසින් කිරි පොවා ඇතිදැඩි කරගන්නා ලද සර්පයෙක් වීය. ඉස්ලාම් ආගමික ආක්‍රමණය නම් වූ මහා දැවැන්ත විෂඝෝර සර්පයාගේ සැව තුළ සැඟව සිටි මේ පුංචි සර්ප පැටියා ඒ කාලයේ කවුරුත් ගණන් ගත්තේ නැත. ඌ නමින් සිංහල ස්වෝත්තමවාදය නම් වීය. 

මෙකී සිංහල ස්වෝත්තමවාදය, ඉස්ලාම් තාලිබාන් මතවාදයට එරෙහි වන්නේ මතුපිටින් පමණි. එකෙක් කෙල්ලන්ට අබායා සහ බුර්කා අන්දන්නට හදන විට අනෙකා ළමා සාරි සහ සාරි අන්දවන්නට හදන්නේ ය. මුන් දෙන්නාටම එක වගේ පිස්සු යැයි අප කීවේ එනිසා ය.

ඡායාරූපය උපුටා ගැනීම බුකියේ ආදිවාසී පිටුවෙන්

එඩ්වඩ් ස්නොව්ඩන් හට සිංහල කෙල්ලන් ජෝඩු කරවීම, ඉඳ හිටලා හරක් මස් වගේ දේවල් ගැන පචයක් දෙකක් අතහැරීම වැනි සරල ගොන් ආතල් හැරෙන්නට ඊට වඩා දෙයක් මුංගෙන් වේවි යැයි අප සිතුවේ නැත. එහෙත් විහිළුවට ගනිමින් අප විසින් අතහැර දමා තිබු මේ සර්ප පැටියා, අද වන විට මහා දරුණු නාගරාජයෙක් බවට පත්ව ඇති අයුරු දැකීම, එදා මුන් සමග එකට සටන් කළ අපට නම් හද පාරවන සුළු වේදනාකාරී අත්දැකීමකි. විශාඛා පාගමනට එල්ල කළ මඩ ප්‍රහාරය, සහ ඉන් පසු හැසිරුණු නිර්ලජ්ජිත ආකාරය අපේ ස්ථාවරයේ හැරුම් ලක්ෂ්‍යය වී යැයි පැවසීම අතිශයෝක්තියක් නොවේ. 

අද වන විට හලාල් දෙවන වටය ආරම්භ වන්නේ ය කියමින් නැගෙන මහා කාල ගෝට්ටිය ගැන අප උපේක්ෂාවෙන් බලන්නේ එනිසා ය. මන්ද එදා මහා ජයඝෝෂා නගාගෙන අහවර කළ කෙළියේ හැටියට, ඕකෙන් පසුව ආයෙම පටන්ගන්නට දෙයක් ඉතුරු වේ යැයි අපනම් සිතුවේ නැත. අනෙක, හලාල් සහතිකය නිකං දෙන්නේ නම්, ඕකට ඔයතරම් උඩ පනින්නට දෙයක් ඇතැයි අපට සිතෙන්නේ ද නැත. හලාල් සහතිකය වෙනුවෙන් මුදලක් අයකරන්නේ නම් එය පැහැදිලිවම නීති විරෝධී ය. එහෙත් එය නොමිලේ දෙන්නේ නම් ඊට එරෙහිව කියා යුතු සාධකයක් නැත. යමෙක් දැනුත් ඊට එරෙහි වන්නේ නම් ඒ වනාහී ඉහවහා ගිය උද්ධච්චකම සහ මමිංකාරය මිසක, සකාරණ විරෝධයක් නොවේ. 

ඒ නිසා සමස්තයක් වශයෙන් ගත් කල පැකර් ගේ කැසිනෝව අමතක කරවන්නට මිසක, වෙනිං අහවල් කෙහුරක් ඕකෙන් සිද්ධ වේයැයි අපට නම් පෙනෙන්නේ නැත.

කතාව අවසාන කරමින් බූන්දියේ ඩෝන්පුතාගේ නිර්මාණයකින් අපි අදට සමුගනිමු. 

තැන තැන රවුමට ඉඳගෙන- 
ඉඳ හිට බොරුවට බුර බුර //
කැසිනෝ ගස්සන්න ළමයි එක් රොක් වෙන්නා
ඩොලර් අරං එනකොට පපු කැනතු පිරෙන්නා

පැකර පැකර පිපිඤ්ඤා
පස්ස මැදට දෙසඤ්ඤා
(කෝ විමලේ නලාව? 
- පිළිකන්නේ නලාව...!)

බ්ලැක් ජැක් මල් පිපුණු රෑක
පුංටො බැංකො ඉදුණු දාට
පුංචි අපේ සිත් තුළ සතුටක් මතුවෙන්නා
එවන් අසිරි සිරි සරමෙන් බිමට පෙරෙන්නා

පැකර පැකර පිපිඤ්ඤා
පස්ස මැදට දෙසඤ්ඤා
(කෝ රතනේ නලාව? 
- පැකරා ගිල්ල නලාව...!)

පෝකර් ඩයිස් ගහමුද අපි?
චෙමින්ඩිෆර් කෙළිමුද අපි?
හරිම වැඩේ මෝඩ ළමයි බියෙන් සැලෙන්නා
වයිවාරණ සෙල්ලම් බඩු කොඹල ඇවිල්ලා

පැකර පැකර පිපිඤ්ඤා
පස්ස මැදට දෙසඤ්ඤා
(කෝ රිවිරෝ නලාව? 
- රවියා ගිල්ල නලාව...!)

තැන තැන රවුමට ඉඳගෙන- 
ඉඳ හිට බොරුවට බුර බුර // 

Monday, October 28, 2013

මැක්ඩොනල්ඩ්ස් කනවද? | Eating McDonalds?

"යසට හිටිය නංගිට හැදුණු අමුතු ලෙඩක්" ගැන අපේ සහෘද බ්ලොග් රචිකාවක වන "උමා" වතාවක් යස කතාවක් කියා තිබිණි. මේ ලිපියට ආරම්භයක් ලෙස අපිත් ඒ ලිපියෙන්ම උපුටා ගැනීමක් දක්වමු. 
"පොඩ්ඩක් හිතපන් ශානි..කීයක් හරි ඉතුරු කරගන්න ඕනෙ නැද්ද? රෑ නිදිමරාගෙන වැඩ කරල හොයන සල්ලි ඉවරයි සුකුරුත්තන් වලට. අඩු ගානෙ උඹ ගෙදරින් කෑම එකක් ගෙනියනවද?" පුංචම්මා බණියි. 
"එහ් මොකෝ කෑම ගෙනියන්නෙ නැත්තෙ." මම පුදුම වෙමි.
"දන්නෙ නැද්ද අනී අපෙ ඔෆිස් එකේ කෙල්ලො. උන් හැමදාම මැක් එකෙන් හරි කේ. එෆ්. සී එකෙන් හරි තමයි කෑම ඕඩ කරන්නෙ. ගෙදරින් කෑම ගෙනිච්චොත් උන් මට හිනාවෙයි. අම්මා හදන්නෙත් හරි ගොඩේ කෑමනෙ"... 
...මට වමනෙට එන්ට වගේය. මුන් නම් අම්මප බත් කන හරක්ය. මැක් ඩොනල්ඩ්ස් යනු සවුක්කියට ඉතාම අහිතකර ෆාස්ට් ෆුඩ් නිෂ්පාදනය කරන්නන් ලෙස හංවඩු ගසා ඇති බව පුංචි එකෙකු වුව දනිතැයි මම සිතා සිටියෙමි. ඇමරිකාවේ මිල අඩුම ආහාර වේලක් ගන්නට කෙනෙක් යන්නේ ඒකටය. ඊට පිං සිදු වන්නට තරබාරු කම, දිය වැඩියාව හා හර්ද රෝග වලින් පෙළෙන ජනයා ජීවත් කරන්නට ඇමෙරිකානු රජය ඩොලර් කෝටි ගණනින් වියදම් කරයි! පුංචම්මා ගෙදර උයන නිවුඩු හාලේ බත් වල හා ගොටුකොළ මැල්ලුමක ඇති ගුණයෙන් සියේට දහයක් එහි නැත. මගේ නංගී ඒකට පයින් ගසා වස විස පිරි ෆාස්ට් ෆුඩ් ජරාව කා කෝක් බොයි...! මෙව්වාට කියන්ට වචන නැත. ජුගුප්සා ජනකය. ඊයාය. කක්කාය.  
[සම්පූර්ණ ලිපිය මෙතැනින් කියවන්න.]

ඇමරිකාවේ දුප්පත් මිනිසුන්ගේ ආහාරය ලංකාවේ මධ්‍යම පන්තිකයන්ගේ ප්‍රියතම ආහාරය බවට පත්ව ඇත. ඩිනර් එකට කේ. එෆ්. සී, මැක්ඩොනල්ඩ්ස් හෝ පීසා හට් ගිය බව තම පන්තියේ සෙසු ළමයින් ආඩම්බරයෙන් කියන විට සෙසු ළමයින්ද කල්පනා කරන්නේ ඒවාට නොගියොත් තමන් ගොඩේ බයියන් ලෙස සැලකෙනු ඇති බවයි. මැක්ඩොනල්ඩ්ස්ලාට විරුද්ධව යුද්ධ ප්‍රකාශ කරමින් ජනාධිපති නීතිඥ හේමන්ත වර්ණකුලසූරිය මේ පිළිබඳව ලියූ ලිපියක් ප්‍රමුඛ පෙළේ ජාතික පුවත්පතක් වෙත යැවුවද, තමන්ට ලැබෙන වෙළෙඳ දැන්වීම් අහිමි වෙතැයි බියෙන් එම පුවත්පත එම ලිපිය පළකිරීමට බිය වූයේය. එම ලිපිය ‘බර්ගර් යුද්ධය’ නමින් ‘සමබිම’ පුවත්පත්වේ ඔක්තෝබර් කලාපයේ පළවිය. මේ පහත දැක්වෙන්නේ ජනාධිපති නීතිඥ හේමන්ත වර්ණකුලසූරිය ලියු සම්පූර්ණ ලිපියයි. උපුටා ගැනීම සමබිමෙන්. විශේෂ ස්තුතිය දිල්මිනිඳු සමරසේකර සහෘදයාට සහ Be a Change-maker සහෘද පිටුවට. 

[සැ.යු. ලිපියේ යම් ස්ථානවල කරන ලද අක්ෂර වින්‍යාස දොස්-නිදොස් කිරීම් / ව්‍යාකරණ වරද නිවරද කිරීම් හැර අන්තර්ගතයට වෙනත් කිසිදු වෙනසක් සිදු නොකරන ලදි. අඩංගු යම් කරුණු පිළිබඳව අප ද ලියා ඇති ලිපි, අදාළ ස්ථානවලට සබැඳි ලෙස දක්වා ඇත. එම සබැඳි, ලිපිය ලියු ලේඛකයාගේ (වර්ණකුලසූරිය මහතාගේ ) අදහස් නොවන අතර, අදාළ කරුණු ගැන ඔහුගේ මතය නිරූපණය කරන්නා සේ නොගන්නා මෙන් කාරුණිකව සිහිපත් කරමු. ]




බර්ගර් යුද්ධය

ජේ. ආර්. විසින් ආරම්භ කරන ලද ධනවාදී මාවතෙන් සීඝ්‍රයෙන් ආශ්චර්ය කරා ඇදී යන මේ ගමනේ විශාල අඩුවක් වී තිබුණේ අධිවේගී මාර්ග, අහසේ ගෑවෙන ගොඩනැගිලිය. මේ අතරට තවත් විශාල අඩුවක් විය. එනම් ඇමරිකාවේ විධියට ක්ෂනික ආහාර සපයන මැක් ඩොනල්ඩ්, ෆීසා හට්, කේ.එෆ්.සී. වැනි ආපනශාලා නොමැති වීමය. මෙවැනි බහුජාති සමාගම්වල ශාඛා අපේ රටේ ස්ථාපිත නොකළ හොත් ආශ්චර්ය අපට අහිමි වන බව බොහෝ ඇසූ පිරූ තැන් ඇති ආර්ථික ඝාතකයන් මෙන්ම ආර්ථික ජීවකයන් පෙන්වා දුන්හ. මැක් ඩොනල්ඩ් සමාගමේ සහතිකය ලත් ශාඛාවක් කොළඹ කොල්ලුපිටියේ පිහිටුවීමෙන් මෙම බාධක බොහෝ දුරට ඉවත් කර ගැනීමට හැකිවිය. ඇමරිකාවේ මෙවැනි ආහාර වෙළෙන්දගේ ප්‍රධානතම පාරිභෝගිකයා පහල මැද පන්තිය හා දුප්පතුන්ය. ලංකාවේ නම් මෙවැනි ආපන ශාලාවකින් ආහාර ගත හැක්කේ ඉහළ මැද පන්තිය හා සුපිරි පන්තියටය. අතිශයින් තරබාරු වූ ද කල්ලන් විශාල බැලුමක් සේ ඉදිමුන උදරයක් හා පස්සක් ඇති කලු ගැහැණුන්ද ඇමරිකාවේ සුලභ දර්ශනයකි. මොවුන් සියලු දෙනාම අතිශයින් තරබාරු වන අතර මෙය රෝගයක් බවද සොයාගෙන ඇත. මෙහිදී ක්ෂනික ආහාර පරිභෝජනය හා රෝගී ස්ථූල භාවය අතර ඉතා සමීප සම්බන්දයක් තිබෙන බව ඔප්පු වී හමාරය. අද ඇමරිකා එක්සත් ජනපදයේ ප්‍රධාන රෝගයක් වනුයේ ස්ථූල භාවයයි. එම රෝගී තත්වයට ප්‍රධානතම හේතු වශයෙන් ක්ෂනික ආහාර බව බොහෝ වෛද්‍යවරුන්ගේ මතයි. අද “බර්ගර්” නිපදවන ආයතන විශාල සංඛ්‍යාවක් ඇමරිකාවේ ඇත. එලෙසම මේ ස්ථානවලට කියන්නේ “ෆාස්ට් පුඩ්” මධ්‍යස්ථාන කියාය. මෙම ආහාර ගැනීමෙන් අනිසි විපාක ගැන එනම් ශරීරය මනා පාලනයක් නොහැතිව මහත්වීම නිසා ඇතිවන රෝගාබාධ ගැනද දිනපතා එරට වෙසෙන විද්වත්තු පෙන්වා දෙති. එහෙත් මෙම ආයතන ඩොලර් කෝටි ගානක් වෙළඳ ප්‍රචාරනයක් සඳහා වියදම් කර විද්වතුන්ගේ හඬ යටපත් කරයි. ඔවුනගේ වෙළඳ දැන්වීම් වල ඉලක්කය ළදරුවන් හා ළමුන් වේ. ඔවුන්ගේ මනස “බර්ගර් ෆාස්ට් පුඩ්” මනසක් වේ. ප්‍රීතිය හා විනෝදය ඔවුන්ට ලැබෙන්නේද තම පවුල හා දරුවන් සමඟ ගොස් මෙවැනි ආහාර පරිභෝජනයට ගැනීමෙනි. 

බොහෝ ඇමරිකානුවෝ ලංකාවේ අපි මෙන් නොව ඉතා අඩුවෙන් ලුණු සහ සීනි පාවිච්චියක් කරන ජාතියක් වේ. මෙය බටහිර ලෝකයටම පොදු ප්‍රවනතාවකි. සුපිරි වෙළඳ සැලකින් ආහාර ද්‍රව්‍යයක් මිලදී ගන්නා විට ඔවුන් ඉතා ප්‍රවේශමෙන් එහි අලවා ඇති ලේබලය කියවති. ඒ ආහාරවල අනවශ්‍ය ලෙස සීනි හෝ ලුණු ඇත්නම් ඒවා පරිභෝජනයට නොගනිති. ශ්‍රී ලාංකිකයන් බටහිර රටකට ගිය හොත් කලක් යනතුරු එම රටේ ආහාර වල කිසිම රසයක් නැති බව දැනේ. එම ආපන ශාලාවක තමට අවශ්‍ය ප්‍රමාණයේ ලුණු දැමීමට ලුණු බඳුන් තබන මුදු එම ලුණුවලද ලවන ගතියද සීනි වල පැණි රස ගතියද ඉතා අඩු බව දැනේ. මෙවැනි ලුණු හා සීනි සම්බන්ධයෙන් බොහෝ බටහිර ජනතාවට ඇති මානසිකත්වය සියලු බටහිර සුදු මිනිසුන් වෙසෙන රටවලට පොදුය. 

එහෙත් මෙම මතු කී ක්ෂනික ආහාර (ෆාස්ට් ෆුඩ්) නිපදවන මාංශ බර්ගර් ආහාර වේලක අපි කෑමට ගන්නා තරම් ලුණු ඇති අතර ඒ සමඟ සපයන ඕනෑම පැණිබීම ජාතියක ඉතා ඉහළ සීනි ප්‍රමාණයක් ඇත. සියලු දෙනාම අධික ලවන සහ සීනි ප්‍රමාණයක් ඇති මෙම ආහාර වළඳන්නේ ඉතාම ගිජු ලෙසය. ඔවුන් මත්පැනට ගිජු වූ සුරා සොඬුන් ලෙස ද මත්ද්‍රව්‍ය වලට ඇබ්බැහි වූ මත්ද්‍රව්‍ය ලෝලීන් ලෙස ද මුළු පවුලම බර්ගර් ලෝලියන් වේ. කුඩා දරුවා නිවසේ කෑමට අරුචියක් දක්වතත් මෙම ක්ෂනික ආහාර බඩ පිරෙන්න කෑමට මහත් අභිරුචියක් දක්වයි. ලංකාවේද මෙම ක්ෂනික ආහාර මධ්‍යස්ථානයක් මීට අවුරුදු කිහිපයකට පෙර ආරම්භ කලද එවකට එම ආහාරවල ඇති මිළ ගණන් හා සාමාන්‍ය ආහාර වේලකට වඩා අධික හෙයින් මෙම ව්‍යාපාරය සාර්ථක නොවේ යැයි බොහෝ දෙනා සිතූහ. එහෙත් අද මෙවැනි බර්ගර් නිපදවන ක්ෂනික ආහාර මධ්‍යස්ථාන කොළඹ පුරාම ඇත. ඒවායේ වැඩිපුරම ආහාර ගන්නේ ළමුන් සමග එන දෙමාපියන්ය. අද සියලුම ව්‍යාපාරයන් අතිශයින් ලාභ ලබන බවට එම ආපන ශාලාවල් පිරී ඉතිරී යෑමෙන් හිතා ගත හැක. මෙය ලංකාවේ පමණක් නොව මුලු ලෝකයේම ව්‍යාප්ත වන ප්‍රධානතම ව්‍යාපාරයක් බව ඔප්පු කර ඇත. 

මාවෝ සේතුං රජයන සමයේ චීන ජාතිකයෝ කඩවසම් උසට සරිලන මහත ඇති මනා සිරුරක් ඇති එහෙත් වඩා උස නැති ජාතියක් විය. එහෙත් චීනයේ අද ප්‍රධාන නගරවල 20% කට අධික ජනතාවක් ස්ථූල රෝගයෙන් පෙළෙන බවත් මීට වඩා ප්‍රධාන හේතුව බර්ගර් ඇතුලු ක්ෂනික ආහාර බව සමීක්ෂණ වලින් හෙළි වී ඇත. ප්‍රංශ සූප ශාස්ත්‍රය හා ආහාර අද ලෝකයේ ඇති උසස්ම සූපවේදී කලාව බව බටහිර මතයයි. ඊට පසු ලෝකයේ බොහෝ දෙනා ඇලුම් කරන සූප ශාස්ත්‍රය ඇත්තේ චීනයේ බවද බොහෝ දෙනා පිළිගනිති. ලංකාවේ ද චීන අවන්හලක් සොයා ගත නොහැකි නගරයක් නැතිවූද චීන ජාතිකයින්ද තමන් සතු ප්‍රණීත ආහාර සම්ප්‍රදාය වෙනස් කොට බර්ගර් කෑමට පුරුදු වී ඇති අතර මෙලෙස ඉතා සුළු කලකදී ආහාර මානසිකත්වය වෙනස් කිරීමට මැක් ඩොනල්ඩ් ඇතුලු අනිකුත් ක්ෂණික ආහාර නිපදවන ඇමරිකානු වෙළඳ ව්‍යාපාර සංකීර්ණ වලට හැකිවී තිබේ. 

ලෝකයේ තිබෙන විශාලතම හා ධනවත්ම ක්ෂණික ආහාර (ෆාස්ට් පුඩ්) ආයතනය වන මැක් ඩොනල්ඩ් මහා බහු ජාතික ව්‍යාපාරයට එරෙහිව යුද ප්‍රකාශ කිරීම නිෂ්ඵල ක්‍රියාවක් වනු බව ශ්‍රී ලාංකිකයන් හිතනු ඇත. එහෙත් තනි පුද්ගලයෙකුට මෙවැනි මහා පරිමාණ බහු ජාතික ව්‍යාපාරවලට එරෙහිව යුද වැදීම ලංකාවේ නම් සියදිවි නසා ගැනීමට සමාන වන හෙයිනි. අද අප රටට ආනයන කරන කෘමිනාශක හා පොහොරවල ආසනික් වැනි විෂ ඇති බවත් ඒවා හේතු කොට ගෙන ජනතාව වකුගඩු රෝගයෙන් මිය යන බවත් සමහර විද්වතුන් වසර ගණනාවක් තිස්සේ කියන කතාවකි. එහෙත් ඒ සම්බන්ධයෙන් අපි තවමත් පරීක්ෂණ කරමින් සිටිමු. අනුරාධපුර ප්‍රදේශයෙන් හට ගත් මේ ව්‍යසනය දැන් මාගම් පත්තුව දක්වා විහිදී ඇත. මෙයින් මියැදෙන බහුතරය සිංහල බෞද්ධයන්ය. එහෙත් සිංහල බෞද්ධ සේනාවන් හරක් මැරීමට විරුද්ධව ගිනි තබා ගන්නා මුත් බහු ජාතික සමාගම් අපට ආසනික් වස කැවීම් සම්බන්ධයෙන් මුනිවත රකිමින් සිටී. හරකාගේ ප්‍රාණය සිංහල බෞද්ධයාගේ ප්‍රාණයට වඩා අගේ දැයි ප්‍රශ්න කල යුතුව ඇත. අහිංසක ගොවියන්ටද ඔවුනගේ දරුවන්ටද වැළඳිය හැකි භයානකම රෝගයක් වන වකුගඩු රෝගයෙන් සිය ගණන් මිය යනු අපට පෙනේ. අප නිශ්ශබ්දය. 

අප්‍රිකාවේ ඒඩ්ස් රෝගයෙන් ගම් පිටින් මිනිසුන් මියගිය ද එයට ප්‍රතිකාර වශයෙන් ලබාදෙන පෙති අඩුවට ලබාගෙන විශාල ගණනකට විකිණීම අප්‍රිකානු දේශපාලඥයින්ගේ ප්‍රධානතම ව්‍යාපාරය වී තිබේ. අයථා ලෙස ලබා ගන්නා ලාභය අප්‍රිකානු දේශපාලඥයන් හට වටී; තම වැසියාගේ ජීවිතය ඔවුනට නොවටී. එහෙත් ලෝකයේ සියලුම සාරධර්ම මුදලට යටවී තිබෙන යුගයක අපිට දැන් උගන්වන පරිදි අපේ පරම හතුරා වන ඇමරිකා එක්සත් ජනපදයේ යුක්තිය ධර්මය විසඳෙන්නේ මීට වෙනස් ආකරයකිනි. 

මෙම දැවැන්ත ක්ෂණික ආහාර නිපදවන මැක් ඩොනල්ඩ් සමාගමේ බීෆ් බර්ගර් ආහාරයේ කොටස් දෙකකින් සමන්විතය. එක් කොටසක් පිටිවලින් සාදන ලද බනිසයක් වන අතර එහි මැද ඇති හරක් මස් වලින් සමන්විත මස් පෙත්තක් ඇත. මෙම බර්ගරයට විරුද්ධව යුද වැදුනේ බ්‍රිතාන්‍ය සූපවේදියෙකු වූ ජෙම් ඔලිවර් මහතාය. ඔහුගේ යුද ප්‍රකාශයෙන් කියා සිටියේ මෙම හරක් මස් පෙත්තට මැක් ඩොනල්ට් සමාගම යොදා ගන්නේද හොඳ හරක් මස් කපා ඉවත් කර ගත්තාට පසු ඉතිරි වන මිනිස් ආහාරයට නුසුදුසු මාංශ කොටස් බවය. සාමාන්‍ය ගෝ ඝාතකයා හරකා මස් කොට එහි වඩාත් මිළට විකිණිය හැකි මස් වෙන්කොට ඒවා විකුණන අතර මෙම ඉතිරිවන කොටස් වන හම් කෑලි, තෙල් කෑලි, අක්මාව හා අනිකුත් අවයවයන් වෙන් කොට ඒවා බල්ලන්ගේ ආහාර සඳහා විකුණනු ලබයි. මෙම මස් කෑලි ඉවත් කරන කොටස් වල අධික ලෙස ශරීරයට අහිතකර බැක්ටීරියා ප්‍රජනනය වේ. සාමාන්‍ය වශයෙන් මෙම මස් කැබලි මිනිස් ආහාරයට කොහෙත්ම නුසුදුසු බව ජෙම් ඔලිවර් මහතා පෙන්වා දුන්නේය. ඔහු කියා සිටියේ බීෆ් බර්ගර් මැද තිබෙන මස් පෙත්ත සාදා ඇත්තේ ඉවත් කරන මිනිස් ආහාරයට නුසුදුසු මේ මස් වලින් බවය. ඔහු තවදුරටත් කියා සිටියේ මෙම මැක් ඩොනල්ඩ් ආයතනය මෙම මිනිස් ආහාරයට නුසුදුසු ලෙස සලකා ඉවත් කරන ලද මාංශ කැබලි ඇමෝනියම් හයිඩ්‍රොක්සයිඩ් දියරයෙන් සෝදා නැවත වරක් මෙම මාංශ කොටස් යන්ත්‍රයකට ඔබා අඹරා එම යන්ත්‍රයෙන් පිටවෙන මස් නැවත වරක් අනා කුඩා කවාකාර පෙත්තක අකාරයට වෙන්කොට බර්ගර් බනිසයේ මැදට දමනු ලබන බවයි. 

ඇමෝනියම් හයිඩ්‍රොක්සයිඩ් රසායනික දියරය කිසිසේත්ම මිනිස් ආහාරයට නුසුදුසු විෂ රසායනික ද්‍රව්‍යයකි. මෙම ක්‍රමවේදය උපයෝගී කර ගන්නේ හරක් මස් සඳහා පමණක් නොවේ. කුකුල් මස්වලද ආහාරයට සුදුසු මස් කොටස් ඉවත් කොට මේදය, හම, වෙනත් අභ්‍යන්තර කොටස් එනම් වකුගඩුව අක්මාව වැනි ඉවත් කරන දේවල් ඇමෝනියම් හයිඩෝ‍රක්සයිඩ් දියරයෙන් සෝදා නැවතත් මතු කී විදියට යන්ත්‍රානුසාරයෙන් අඹරා ශ්‍රී ලංකාවේ ළමුන් බොහෝ දෙනා හරක් මස් නොකන හෙයින් ඔවුන් වඩාත්ම ප්‍රිය කරන ක්ෂනික ආහාරය වන “චිකන් නට්” සාදනු ලැබේ. ජෙම් ඔලිවර් විසින් කරන ලද මේ හෙළි කිරීම ප්‍රථමයෙන් එක හෙළාම ප්‍රතික්ෂේප කල මැක් ඩොනල්ඩ් සමාගම පසුව එම සමාගමට එරෙහිව ඉදිරිපත් වන සාක්ෂි කන්දරාව දැක තම ප්‍රති විරෝධය හකුලා ගත්තේ අපේ රටේ මෙන් වෙනත් ක්‍රමවේදයකින් එනම් අල්ලසකින් හෝ තුටු පඬුරකින් හෝ මෙකී ජම් ඔලිවර් මිලදීගත නොහැකි වූ නිසාය. 

අවසානයේදී ජෙම් ඔලිවර් නඩු මගට බැසීමට සූදානම් වනවිට මැක්ඩොනල්ඩ් ආයතනය මෙම වරද පිළිගෙන ඇමෝනියම් හයිඩ්‍රොක්සයිඩ් දියරය මස් සේදීමට ද්‍රව්‍ය පාවිච්චි නොකරන බවට ප්‍රකාශයක් කළේය. මෙම ප්‍රකාශනයට විද්‍යුත් මුද්‍රිත මාධ්‍ය මොනතරම් ප්‍රසිද්ධියක් ලබා දුන්නේද යතහොත් “බර්ගර් කිං”,  “ටැකෝ බෙල්” වැනි ආයතනද ඇමෝනියම් හයිඩ්‍රොක්සයිඩ් රසායනික ද්‍රව්‍ය වලින් තමන් මස් නොසෝදන බවට විශාල දැන්වීම් මගින් ප්‍රසිද්ධියට පත් කළේය. එහෙත් ඇමෝනියම් හයිඩ්‍රොක්සයිඩ් දියරය පාවිච්චි නොකල ද අප ඉතා ගිජුව ගිල දමන්නේද අපේ දරුවන්ට ගිල දමන්නට සලස්වන්නෙද මිනිස් ආහාරයට නුසුදුසු මාංශ බව අපි සිතාගත යුතුය. බර්ගර් යුද්ධයෙන් ජෙම් ඔලිවර් ලබාගත් ජයග්‍රහනය අප කාගෙත් දෑස් පෑදවිය යුතුය. තවත් ජයගත යුතු ආහාර යුද්ධ රාශියක් ලංකාවේද ඇත.

Sunday, October 27, 2013

සිංහ-අලියා මරා මස්කළෙමි | How I Butchered the Sinha-Ali

මුලින්ම මේ "සිංහ-අලියා" කවුදැයි කියා යුතුය. සිංහ-අලි යනු බ්ලොග් අඩවියකි. මෙවැනි අමුතුම නමකින් මේ බ්ලොග් අඩවියක් පවත්වා ගෙන යනු ලබන්නේ "ප්‍රියන්ත ඇබේ" නමින් බුකියේ පෙනී සිටින එක්තරා මන්ද මානසිකයකු විසිනි.

පසු සටහන: Anonymous One Orig නමින් බ්ලොග් ලෝකයේ පෙනී සිටින්නේ ද මේ අමනයා ම බව සහෘදයෙක් අපට දන්වා සිටියි. 

සිංහ-අලි ප්‍රියන්ත ඇබේ මහතා සිය බුකියේ යොදා ඇති ඡායාරූපය

සාමාන්‍යයෙන් ආතල් එකක් ගන්නට දිනපතා බුකි සංවාද වලට ගොඩ වැදුණත්, මෙවැනි ආතල් සංවාදයක් මින්පෙර කිසිදා මා දැක නැති බව සහසුද්දෙන්ම කිව යුතුය. මන්ද යත් පිස්සෙක්, සිය පිස්සුව සාධාරණීකරණය කරගනු පිණිස කරන උප්පරවැට්ටි එකින් එක ලෙහා දමා උගේ පිස්සුව හෙළි කිරීමද එක්තරා ආතල් එකක් ම වන හෙයිනි. එහෙත් පාට රෙදි හත්පට එතු ගොක්කොළ ගිරවකු ලෙහා බලා ඇතුළත කිසිත් නොදක්නා දරුවකු සෙයින් බලාපොරොත්තු කඩවීමකට මෙහිදී මා නම් ලක් වුයේ නැත: මන්ද අපේ සිංහ-අලි මහතා දිගින් දිගටම ආතල් දෙන්නට සැදී පැහැදී සිටි නිසා ය.

අපේ ඇබේ මහතා අපූරු තියරියක් ගෙන ඒයි. එනම් "මුසල්මානු" යන්න තැනී ඇත්තේ "මූසල්-මෙන්" යන ඉංග්‍රීසි වචනයෙන් ලු. ඒක හැදුනේ මූසල යන සිංහල වචනයෙන් ලු. මෙන්න ඔහුගේම වචන:



මේවාට හිනා වෙන්නට ඕනෑන්නේ කටෙන් නම් නොවන බව කාට වුණත් සක්සුදක් සේ පැහැදිලි ය. කෙසේ වෙතත් අපේ සිංහ-අලි මහත්මා ගේ දැනුම පිණිස, අපි ඇත්තටම මුසල්මානු යන වචනය හැදුණු හැටි ලියා දැක්වීමු. 

ඕනෑම භාෂාවක ශබ්ද මූල තිබේ. අරාබි භාෂාවේ ඇත්තේ ත්‍රියක්ෂර මූල (tri-letter roots) ය.  දැන් අපි උදාහරණයක් සැලකුවොත් K-T-B ("ලිවීම") කියන එකම මූලයෙන්, KiTaB / කිතාබ් ("පොත"), KaTaBa / කතාබා ("ඔහු ලීවේය"), KiTaBat / කිතාබාත් ("ලිවීම / ලේඛනය") taKTiB / තක්තීබ් ("ලියන්නට ඉගැන්වීම") ආදී වචන ශ්‍රේණියක් නිර්මාණය වේ. 

SLM යනු තවත් එවැනි මූලයක් වේ. එහි අර්ථය වෙන්නේ "සම්පූර්ණ වෙනවා" යන්නයි. ඔය එකම මූලයෙන් ඉස්ලාම්, මුස්ලිම්, මුසාලීම්, ඉස්ලාමී, ඉස්ලිම්, ඉසාලීම් ආදී වචන ශ්‍රේණියක් නිර්මාණය වේ. ඒ මිසක් මෙතැන ඔය "මූසල" කතාවක් ලොවෙත් ගෑවිලාවත් ඇත්තේ නැත. මූසල යනු ද සකුවෙන් "මූශල" යන්නයි. හරිනම් "මූසල" යනු පිරිසිදු සිංහල වදනක් වත් නොවන්නේ ය. 

අදාළ වචනය ගැන අන්තර්ජාතික අරාබි-ඉංග්‍රීසි ශබ්දකෝෂයේ සටහන් වෙන්නේ මෙන්න මේ ආකාරයට ය.
The word muslim (Arabic: مسلم, IPA: [ˈmʊslɪm]; English /ˈmʌzlɨm/, /ˈmʊzlɨm/, /ˈmʊslɨm/ or moslem /ˈmɒzləm/, /ˈmɒsləm/[19]) is the participle of the same verb of which islām is the infinitive, based on the triliteral S-L-M "to be whole, intact".[20][21] A female adherent is a muslima (Arabic: مسلمة). The plural form in Arabic is muslimūn (مسلمون), and its feminine equivalent is muslimāt (مسلمات). The Arabic form muslimun is the stem IV participle[22] of the triliteral S-L-M

නොදන්න පයන්නවල් අතගාන්න ගෙහුං රෙද්දේ රෙවාගන්නවා කියන්නේ මෙව්වට ය!

භාෂාවන් අතර වචන හුවමාරු නොවන්නේ යැයි අපි නොකියමු. සංස්කෘත මාතෘ, පිතෘ, දුහිතෘ යන වචන තුනම එලෙසින්ම, mater, pater, daughter ආදී වශයෙන් අදටද රෝමානික භාෂා වල දක්නට ලැබේ. අමතරව, අරාබියෙන් වෙනත් උදාහරණ ලෙස,

අරාබි "al-kuhl" > ඉංග්‍රීසි "alcohol"
සකු "ඉභ" (ඇතා) > අරාබි "al-ib" > සිංහල "අලියා" (මූලාශ්‍රය JRP සූරියප්පෙරුම)

ද දැක්විය හැකිය.

මූශල යන්න සකු වදනකි. එයත්, ආරාබික "මුස්ලිම්" යන්නත් අතර මොනම මළ කෙහෙල්මල් සම්බන්ධයක් හෝ නැත. තිබුණා නම් සොයා නොගෙන ඉන්නේ ද නැත. එසේ කියන්නේ ඇයි?

බාබෙල් කුළුණ (Tower of Babel) නමින් බයිබලයේ එන පුරාවෘතයක් ඇත. ඉන් කියැවෙන්නේ, මුලින් එකම භාෂාවක් කතා කළ ජනතාව, පසුව භාෂා ගණනාවකට බෙදී වෙන ගිය බවක්. එනිසා, ඔය කියන "සියලු භාෂාවන්ගේ මාතෘ භාෂාව" සෙවීම, බටහිර දේවධර්මවාදීන්ගේ ලොකුම ඉලක්කයක් වී තිබිණි. හොයාගෙන හොයාගෙන ඇවිත් ඔවුන් නැවතුණේ සංස්කෘතයේ ය. සංස්කෘත භාෂාවේ අඩුම ගණනේ ප්‍රධාන ප්‍රභේද දෙකක් තිබේ. එකක් Classical Sanskrit හෙවත් සම්භාව්‍ය සංස්කෘත ය. අනික Vedic Sanskrit හෙවත් වෛදික සංස්කෘත ය. මෙන්න මේ වෛදික සංස්කෘත බස ය, අදට ජීවත්ව ඇති ඉන්දු ආර්ය භාෂාවලින්, ප්‍රාථමිකම සහ පැරැණිම එක ලෙස ගැනෙන්නේ.

ඒ නිසා මුස්ලිම් යන වචනයට සකු මූලයක් තිබ්බා නම්, බටහිර දේවධර්මවාදීන් ඕක හෝද හෝද මඩේ දමමින් පට්ට ගහනවා මිසක් හංගාගෙන ඉන්නට හේතුවක් නැත.

කෙසේ වෙතත් අපේ "සිංහ-අලියා" හට නම් තවත් ආතල් නිමක් නැත. මෙන්න ඔහුගේ පිළිතුර.


අපි මේ පච වට්ටෝරුවත් සලකා බලමු.

1. මුශල යන වචනයට "හතරවන දරුවා" යන තේරුමක් ලොවෙත් නැත. මෙකී ප්‍රියන්ත නම් වූ ඇබයා මෙන් නොව අප නම් කතා කරන්නේ මූලාශ්‍ර සහිතව ය. සාමාන්‍යයෙන් සකුබස පිළිබඳව ලොව පිළිගත් ඉහළම ශබ්දකෝෂය වන මොනියර් විලියම්ස් ශබ්දකෝෂයේ, මුශල යන්නට අරුත් දැක්වෙන්නේ මෙසේ ය.

අදාළ ඡායාරූපය කුඩා නම් ඒ මත ක්ලික් කිරීමෙන් විශාලිත පිටපතක් ලබාගත හැකිය. 

මේ අනුව "මුශල" යනු වෙන මොකක්වත් නොව, මොල්ගසක් බව පෙනේ. වී කොටන්නට ගන්නා වී නංඩුව හෙවත් මුසින්නට ය, මුශල කියන්නේ. හැබැයි අපේ සිංහ අලියා වැනි "මෝල්" ගසකට නම් ඒ නම වඩාත්ම ගැළපේ.

2. Mosul නගරයට ඒ නම ආවේ කෙසේද? Mosul යනු මුස්ලිම් යන වචනයත් සමග මොනම සම්බන්ධයක් වත් ඇති වදනක් නොවේ. එහි තේරුම වෙන්නේ සංධිස්ථානය ["The City (that) Connects"] යන්නයි.

ක්‍රි.ව. අටවන ශතවර්ෂයේ දී මොසූල් නගරය උමයියාඩ් රජ පෙළපත යටතේ මෙසපොතේමියාවේ අගනගරය වුණාට පසුව, ඔතැන සිට ලෝකයේ හැම අස්සකට මුල්ලකටම වෙළෙඳ මාර්ග ව්‍යාප්ත විය. අන්න ඒ නිසාය, ඊට "සංධිස්ථාන" නගරය යන නම ලැබුණේ. නැත්නම් එහි මුල නම වෙන්නේ al-Faiha ("දිව්‍යලෝකය") නැත්නම් al-Khaḍrah ("හරිත නගරය") යන්නයි. ඒ මිසක් මුස්ලිම් වෙච්ච නිසා මොසූල් කියා නමක් නම් කොහෙන්වත් ආවේ නැත. ලෝක ඉතිහාසය ගැන මෙලෝ මළදානයක් නොදන්නා අමන ගොබ්බයෙක් රටෙත් ඉන්නට බැරිව පළාගොස්, ඉන්න තැනකට වෙලා කරන ජොබ් කට්ටක් කරගෙන නොයිඳ අර්ථ නිරුක්ති දෙන්නට ගියාම මෙවැනි අනාගැනීම් සිද්ද වීම ස්වාභාවික ය.

3. තමිල් නාඩු යනු දෙමළ භූමිය යන අරුත් දෙයි. ඔවුන් සහ මුසල්මානුවන් අතර මොනම ආකාරයක වත් පෙළපත් සබඳතාවක් නැත. තමිල්නාඩුවේ ඉන්න දෙමළු මේ ටික දැක්කා නම් (උදා: "එළාරත් මූසලයෙක්") ඔස්ට්‍රේලියාවට ගොස් මේ ගොබ්බයා ගල් ගසා මරාදමනු ඇත.

දියසේන විකුණන් කෑම


ඊළඟට, අවසාන වශයෙන් අපේ ගොබ්බ මහතා සිය බ්ලොග් පඩංගුවේ මෙන්න මෙහෙම ලිපියක් ලියා තිබේ. ඔහු සිය කරුණු කාරණා වලට දෙන්නේ මෙන්න මේ මූලාශ්‍රය ය.

අවවාදයයි! බඩේ කෑම තියාගෙන මේ ලිපිය කියවීම වමනයට ඒමට හේතුවක් විය හැකිය. ගෙදර පොඩි බබාලා වෙත්නම් මෙය කියවන්නට එපා. හැකිනම් තනිව කියවන්න. නැත්නම් ඔබේ සිනාවට බය වී බබ්බු ඇහැරීම හෝ, සිනාව නවත්වා ගැනීමට නොහැකි වීම නිසා ඔබ පිස්සෙක් යැයි සිතා ඔබව මානසික රෝහලක නැවත්වීමට ඉඩ තිබේ. 

1. ලිපිය ලියන්නා මෙසේ කියයි. 

//වර්ෂය ඇරඹෙන දිනයන් ගේ වෙනස, මේ මාතෘකාව යටතේ ඇති දත්ත විග්‍රහ කිරීමට අවබෝධ කර ගත යුතු ය. මේ ලිපිය ලියන්නේ ග්‍රේගරියන් වර්ෂ ක්‍රමයට අනුව 2013 පෙබරවාරි (02) මුල දිනයක දීය. අපි සියලු දෙනාම 2013 වසරට පා තබා ඇතැයි සිතමු. එහෙත් ග්‍රේගරියන් වර්ෂ ක්‍රමයට අණුරූප වූ සිංහල (මනු වර්ෂ අතහැර ග්‍රේගරියන් වර්ෂයට අණුරූප වසර එම ගණනින් ම ගත් විට) වසර, එනම් සිංහල වසර 2013 ලබන්නේ ලබන අප්‍රේල් 12-13 දින දී ය. මේ ලියන දින වකවානුව අයත් වසර වනුයේ සිංහල වසර 2012 ය. එසේ නම් ආදි සිංහලයන් කී දෙයක් පරිවර්තනය කර, අණුරූප වසර 2013 අප්‍රේල් මස පහ (05) දින සිදු වේ යයි කීවේ නම්, අප එම දිනය කියන්නේ තව මාස දෙකකින් (02) එන අප්‍රේල් පහ (05) ලෙස ගත හොත්, සැබැවින් ම අප කතා කරන්නේ අණුරූප සිංහල වසර 2012 දී වන දෙයක් නොවේ ද? //

සරලව කියන්නේ නම්, මේ කියන්නේ ග්‍රෙගෝරියන් වර්ෂ 2013 ට අනුරූප වන සිංහල වර්ෂය සොයන්න කියා ය. එනම්, දියසෙන් කුමරු උපදින්නේ ඔහු උපදිනවා යැයි කී 1959 අප්‍රේල් 05 දින උදේ 06.06 (එනම් මධ්‍ය සුර්යෝදයාදී පැය 00.00) ට නොව, ඊට අනුරූප "සිංහල" දිනයට ලු. එනම්, (ඔහු කියන විදියට) "1958 අප්‍රේල් මස පහ දින උදේ 06.06" ඉපදුන කෙනෙක් ලු සෙවිය යුත්තේ.

හිනා යන්නට පටන් ගන්නේ දැන් ය. එනම්, ග්‍රෙගෝරියන් කැලැන්ඩරය වනාහි ටිකෙන් ටික ""පස්සට"" යන කැලැන්ඩරයක් මිස, ශකරාජ වර්ෂමානය මෙන් ටිකෙන් ටික ""ඉස්සරහට"" යන වර්ෂ ක්‍රමයක් නොවීමයි. ඒ කියන්නේ දෙනලද ඕනෑම මොහොතක, ශකරාජ වර්ෂය නිවරදි සූර්යමානය අනුව ගියත්, ග්‍රෙගෝරියන් කැලැන්ඩරය එන්නේ ඊට "පසුපසින්" මිසක "ඉදිරියෙන්" නොවීමයි. (වතාවක් ඔහොම දින පස්සට යාම නිසා ග්‍රෙගෝරියන් කැලැන්ඩරේ දින 11ක් කපා ඉවත්කොට, හරිගස්සා තිබේ. [Thursday, 4 October 1582 was followed by Friday, 15 October 1582, with ten days "missing". ]. එනිසා ඔය කතාව හරිම කියා කීවත්, එහෙනම් අදාළ "සිංහල" දිනය වන්නේ 1960 අප්‍රේල් 05 මිස, 1959 අප්‍රේල් 05 නොවේ.

2. ගණන් හදල මහන්සි නම් මෙන්න මේ ටික බලල හිනා වෙන්න පුළුවනි. 

//අද දියසේන යන නම භාවිතයේ නැත්තේ නූතන වචන රටාව වෙනස් වීම නිසාය. ආදි කල, දියසේන යනු දිය දෙන කෙනා යයි අරුත් ගති. එකල දිය යයි කී දෑ සුළු දිය මගින් තහවුරු වේ. ඒ අනුව, දිය යනු අද වහරෙන් ශුක්‍ර ධාතු ලෙස ගත හැක. මෙහි දී අදහස් වනුයේ පියා (තාත්තා) යයි කීම ය. පියා යන වදන දිය යන්නෙන් බිහි වූ බව පෙනේ. කලින් ලිපියක තාත්තා යන වචනය ගැන කීවෙමි. එසේම දිය යයි වතුරට ද කියවේ. එකල වතුර ජීවිතයත්, ගින්න මරණයත් සනිටුහන් කලේ, කැළෑ ජීවිතයේ දී ජීවිතය රැකෙන්නේ වතුර ලැබුනොත් පමණි. එසේ නම් දියසේන යනු වතුර සොයාදෙන කෙනා හෙවත් ජීවිතය දෙන කෙනා යයි කිව හැක. අද ද මාතර පෙදෙසේ පියසේන (පියා+කෙනා) සිංහල ගම්වල බහුලව යොදන පිරිමි නමකි. වචන ව්‍යාප්ති විදි අනුව ආදි සිංහලයන් කී දියසේන සෙවිය යුත්තේ එම නමින් නොව එහි නූතන වදන වන පියසේන යෙදීමෙනි.//

දියසේන යන වචනය එන්නේ කොතනින්ද යන්නවත් මේ ලියන්නා නොදනී. ඔය වචනය එන්නේ පැරකුම්බා සිරිතෙනි. එනම්

"ගියකල දෙදහස් පන්සීය.. රජෙක් එතැයි දිය නා" යන්නෙනි.

එනම්, මෙහි අරුත වන්නේ මේ කවියට අදාළ සංවාදය කෙරෙන දිනයේ සිට ඉදිරියට වසර 2500ක් ගතවූ තැන ලෝක නායක රජෙක් එන්නේය කියා ය. දිය යනු ජගත් යන්නෙන් බිඳුනකි. දියනා යන්නෙහි අරුත වන්නේ ලෝක නායක යන්නයි. (අවශ්‍ය නම් වතුර නාගෙන යන අර්ථය ද පහසුවෙන්ම ගන්නට තිබිණි). ඔය වචනය දියසේන කළෝ නම් ටීකාචාරීහු ය. එනම් "ලෝකයම එක සේනාවකට ගන්නෝ ය" යන අරුතිනි. දෙකම එකම අරුතය. දුර්බුද්ධික ජනයා වනාහි මෙය හුදෙක් සංඥා නාමයක් ලෙස වරදවා ගෙන, දියසේන නමින් ඇත්තටම රජෙක් වන්නේ ය කියා සිතීම ස්වභාවිකය.

එහෙත් දියසේන, පියසේන කළ ආකාරය දුටුවිට මා අන්දමන්ද වී ගිය බව අමුතුවෙන් කිවයුතු නැත. එසේම ඔහු කියන ආකාරයට, //දිය යනු අද වහරෙන් ශුක්‍ර ධාතු ලෙස ගත හැකි// නම් වැරදිලාවත් මේ මනුස්සයාගේ ගෙදරට ගිය එකෙක් "දිය පොදක්" ඉල්ලුවොත් වෙන්නේ හරිම හත්වලාමකි!

3. උඩ කී බ්ලොග ලියන්නා ගේ භූගර්භ විද්‍යා දැනුම අප විස්මයෙන් අමන්දානන්දයට පත්කරයි. මෙන්න ඔහුගේම වචනයෙන්.

//ගිය වසරේ සිංහල අවුරුදු උදාව සමඟ යම් සුවිශේෂ භූමි කම්පනයක් ඇති විය. තම සුපුරුදු අමනකම ලොවට හඬ ගා කියන ආචාරියන් තිදෙනකු එය ගිණිකොණ දෙස ඇති වූ තිරස් තල ගමනක ප්‍රථිඵලයක් යයි කීහ. එහෙත් පැය 24ක් තුල රටාවකට සියලු භූ විවර කම්නය වූයේ ඒ නිසා යයි කීම විහිළුවකි. එසේ නම් සුනාමිය උදා කල මහා කම්පාව දෙරණ කෑලි වලට කැඩිය යුතු නොවේ ද? බොහෝ අසිරිමත් දෑ වන බව දැන දැන නොකියා සිටීමට සිදුවේ. මේවා අද්භූත දෑ ද නොවේ. අප එම සිදුවීම දියසේනයන් තමන් කවුදැයි දැන ගැනීමට සැකය දුරලීමට කල දෙයකැයි කියමු. මීට වසර කිහිපයකට පෙර සිංහල රට ලොකු කර ජනගහණය මිලියන හාර සියය දක්වා වැඩි කිරීම අවශ්‍ය යයි කී කතාවට පසු, ගිණිකොණ දෙස ඇති වූ පැළීම සුභ ලකුණක් සේ පෙනේ. අප මිථ්‍යාවන් යයි බැහැර කරන දේ මගින් කියන්නේ අපේ නොදැනුම මිස වෙන යමක් නොවේ.//

පළමුව මේ සිද්ධියේ ඇත්ත නැත්ත විමසමු. ලිපිය ලියා ඇත්තේ 2013 පෙබරවාරි මස 08 වන ශනිදා ය. ඒ කියන්නේ මොහු කතාකරන සිංහල අවුරුද්ද වනාහි 2012 වසරේ සිංහල අවුරුද්ද විය යුතුය. මා ළඟ 2012 ලිත නොතිබූනත්, සුළු වෙහෙසකින් පසුව 2012 අලුත් අවුරුද්ද ලැබූ දිනය සහ වෙලාව සොයා ගතිමි. ඒ, 2012 අප්‍රේල් මස 13 වන සිකුරාදා අපර භාග 07.20ට ය. (මූලාශ්‍ර දී තිබේ).

දැන් ඇත්තේ ඔය කියන දිනයට, ලංකාවට දැනුණු යම් භූ චලනයක් වේදැයි සෙවීමය. එයද එතරම් අපහසු කරුණක් නොවී ය. ඒ අනුව 2012 වසරේ අප්‍රේල් මාසයටම ලෝකයේ රික්ටර් පරිමාණය 3.0 ට වඩා විශාල (එනම් යම්තමින් හෝ මිනිසුන්ට දැනෙන) භූකම්පන සිදු වී ඇත්තේ 9ක් පමණි. [මූලාශ්‍රය World Earthquakes Live]

  • April 28 TONGA 1
  • April 21 INDONESIA 1
  • April 17 CHILE 1
  • April 17 PAPUA NEW GUINEA 1
  • April 14 VANUATU 1
  • April 12 CALIFORNIA 1
  • April 11 SUMATRA 2
  • April 11 MEXICO 1

මින් අප්‍රේල් 13 ආසන්න ඒවා පමණක් ගනිමු. එසේනම් ඊට අයත් වන්නේ අප්‍රේල් 11-12-14 දිනවල සිදු වූ ඒවා පමණි. අප්‍රේල් 11 මෙක්සිකෝවේ එකවත්, අප්‍රේල් 12 දින කැලිෆෝනියාවේ එකවත් අප්‍රේල් 14 දින වනවාටු වල එකවත් ලංකාවට දැනෙන්නට විදියක් නැත. එහෙනම් මේ කියන්නේ අප්‍රේල් 11 සුමාත්‍රා හි භූ කම්පනයයි.

ඊළඟට අපි ඒ ගැන සොයා බලමු. 

2012 අප්‍රේල් 11 දින සුමාත්‍රාහි භූ කම්පන දෙකක් සිදුව ඇත. ඒ දෙක, රික්ටර් පරිමාන 8.2 හා 8.6 වන ප්‍රබල ඒවා වේ. මේ දෙකම සිදුව ඇත්තේ පොළොවට කිලෝමීටර් 22.9ක් පහළිනි. එය ලංකාවට දනී ඇත්තේ එදිනම පස්වරු 2.8.38 ට ය. [Wednesday, April 11, 2012 at 02:08:38 PM - Delhi, Bombay, Calcutta]. මෙන්න එහි වාර්තාව.

//At least 2 people killed, 8 others died from heart attacks and 12 injured in Aceh. Felt in much of Sumatra and Java. Felt widely in South and Southeast Asia, including Bangladesh, Brunei, Burma, India, Maldives, Sri Lanka, Thailand and Vietnam. Felt as far as Pune, India and Broome, Australia. A 31-cm tsunami was recorded at Meulaboh, Indonesia.//

දැන් අපි Abe ගේ පච වට්ටෝරුව බලමු. 

1. //ගිය වසරේ සිංහල අවුරුදු උදාව සමඟ යම් සුවිශේෂ භූමි කම්පනයක් ඇති විය. // ටොම් පචයකි. අවුරුද්ද ලැබුවේ අප්‍රේල් 13 සිකුරාදා අපරභාග 07.20 ටය. ඔය භූ කම්පන දෙකම ඇතිවුණේ අප්‍රේල් 11 දින, එනම් සිංහල අවුරුද්දට දින දෙකකට පෙර ය. ඒවා ලංකාවට දැනුණේ අප්‍රේල් 11 දින පස්වරු 2:08 ටය.

2. //පැය 24ක් තුල රටාවකට සියලු භූ විවර කම්නය වූයේ // මෙහෙම කතාවක් කොහෙවත් කියා නැත. අප්‍රේල් 11න් පසුව ආපහු ඊළඟ භූ චලනය ඇතිවුණේ අප්‍රේල් 12 කැලිෆෝනියාවේ දී ය. ඕකෙ මොනම රටාවක් හෝ ඇත්දැයි කෙනෙකුට සිතියමක් ගෙන අදාළ භූකම්පන ඇතිවූ තැන්වලට තිත් ටිකක් තියා බලන්නට පිළිවනි.

3. //එසේ නම් සුනාමිය උදා කල මහා කම්පාව දෙරණ කෑලි වලට කැඩිය යුතු නොවේ ද? // ඇත්ත වශයෙන්ම එසේ විය. මේ මුග්ධයා මේ ලියන්නේ ඔය කිසිවක් දැනගෙන නොවේ.

අවසාන වශයෙන් හොඳම විහිලුව,

4. //ගිණිකොණ දෙස ඇති වූ පැළීම සුභ ලකුණක් සේ පෙනේ.//

මිනිස්සු 10 දෙනෙක් මරාගෙන ඇතිවූ අපූරු සුබලකුණක් මා මේ අහනවාමද කොහෙද! හැබැයි සුබ නිමිති බැලීම බුදු දහමට අනුව නම් මිථ්‍යාවකි.

භූකම්පාවෙන් මළ මිනිස්සු වෙනුවෙන් හඬන අම්මලා තාත්තලා, දරුවන්ගේ සෝදුක් හඬින් දියසෙනට ආසිරි පතන, මල්වැසි වස්සන අප ලේඛක තෙම, ඊළඟට මෙහෙම කියන්නේ ය.

//අප මිථ්‍යාවන් යයි බැහැර කරන දේ මගින් කියන්නේ අපේ නොදැනුම මිස වෙන යමක් නොවේ.//

තිලොවට තිලක වූ අමා මෑණි බුදු පියාණන් වහන්ස! මේ ලේඛකයා හමුවේ ඔබේ දෙසුම් සියල්ල බොරුවී යන්නේ යැ!!

ප්‍රතාපවත් සිංහල පරපුරේ උරුමක්කාරයා යැයි (තමන්ම) කියාගන්නා ප්‍රියන්ත ඇබේ නම් වූ සිංහ-අලියාණෙනි, හැකිනම් මේවාට පිළිතුරු දෙන්න! 

Saturday, October 26, 2013

දොස්තර vs ඉංජා ගේ කවි හබය | Doc vs Eng

දීර්ඝ නිහැඬියාවකින් පසුව යළිත් බ්ලොගෙහි මකුළු දැල් කඩා ඉහිරවා හැර යමක් ලියන්නට සිත සිතා සිටියත්, මේ වෙන සංගදි වලට මොනවා ලියන්නද කියා සිතෙන නිසාත්, මෙවුවා ලියනවාට වඩා මගේ පුද්ගලික ජීවිතය සකසා ගත යුතු නිසාත් නිහඬව සිටීමේ පිළිවෙත අනුගමනය කළෙමි. හැමෝම ආතල් ගන්නා ලෝකෙක අප පමණක් සීරියස් වීම තේරුමක් නැති දෙයක් දෝ සිතෙන වාර ගණන අනන්තය. අප්‍රමාණය. 



ඒ නිසා ඔන්න කාටත් ආතල් ගන්නට, පහුගිය දිනෙක බුකියේ පළ වූ සුහද ගී හබයක් මෙලෙස ලියා තබන්නෙමි. මේ ලියන්නේ ද මෙකී නිර්මාණ අමරණීය විය යුතුයැයි සිතන බැවිණි. මිසක් වෙනත් කිසිම පණිවුඩයක් දෙන්නට නොවේ. 

***
දොස්තර යනු එදා සිටම අපේ සමාජයේ මහත් "තැනක්" ලබන චරිතයකි. එහෙත් එකම වගේ අධ්‍යාපන සුදුසුකම් ඇති ඉංජාට, දොස්තරට ලැබෙන සමාජ ගෞරවය ලැබෙන්නේ කලාතුරකිනි. මේ ගැන විස්සෝප වන ඉංජා මෙසේ සිය දුක ගීයට පෙරළයි. (නිර්මාණය දමිත් කේතක)

දොස්තර සඳකි - අප ඒ ලොව හිරුය රිදී..... 
ඒ ඉර හඳෙන් - රෝගින් සැම සුවය ලදී.... 
බටහිර වෙදකමට ටෙක්නොලොජියක සැදී...
ඉන්ජිනියර්ට කව් ගී ලියැවුණා මදී.... //

සිරුරේ තුළට අල්ට්‍රා සවුන්ඩ් එක වැදුනේ....
කුසයේ ඇතුළතත් කැමරාවෙනි පෙණුනේ...
විදුලිය නැතිව ස්කෑනින් නැත හිස ඇතුලේ... 
පුදුමයි පුතුනි කිම අප "ජීවක"නොවුණේ.... 

ඩොකෙකුට මුවා වී ජීවය රැක දෙන්නේ.... 
අප වෙමු පුතුනි එය අප පමණයි දන්නේ.... 
ඉන්ජිනියර් නැතිද දරුවනි හඳුනන්නේ...
දොස්තර වරුන් පමණද මතු බුදු වන්නේ........ 

***

මෙන්න ඩොකාගේ පිළිතුර: (නිර්මාණය චින්තක පෙරේරා)

දොස්තර සඳකි වෙදකම ලොව හිරුය රිදී..
ඒ ඉර හඳින් මුලු ලෝකය එලිය වුණී..
රැක්මට ලෙඩුන් දිවියේ දුක් ගැහැට විදී..
ඒ වෙදකමට කවි ගී ලියවුනා මදී..

ජීවක එදා බුදුන්ගෙ ලෙඩ සුව කෙරුවේ..
අල්ට්‍රා සවුන්ඩ් එකකින් බලලද පුතුනේ..
"ක්ලිනිකල්" කියා වදනක් ඇත වෙද ලෝකේ..
ඉංජණි අනේ නැතිවද නුබ එය දන්නේ..

සිත්තරු කැන්වසය මත සිතුවම් ඇන්දේ..
සායම් වලින් ඒ සිත්තම හැඩ කෙරුවේ..
සායම් හැදුනෙ "සායම් කරුවෙකු" අතිනේ..
පුදුමයි පුතුණි කිම ඔහු "සිත්තරු" නොවුනේ..

"සුශෘත" එදා අරුමැති සැත්කම් කෙරුවේ..
"බුදදස්" නමින් වෙදකම සිහසුන දැරුවේ..
පස් මහ බලය ඇතුලෙත් වෙදකම තිබුනේ..
ඒ වෙදකමිනි මිනිසත්කම පණ ලැබුවේ..

ඩොකෙකුට මුවා වී ගොඩ යන්නට යන්නේ..
ඉංජණි ලොව නැතිද උඹලට සලකන්නේ..
විදුලිය නැති දාට ඉංජට කිම වෙන්නේ..
ඉංජන් නැතත් වෙදකම ලොව පවතින්නේ..